ءۇندىستاننىڭ عارىشتىق زەرتتەۋ ۇيىمى (ISRO) 15 اقپان كۇنى PSLV-C37 زىمىرانىمەن وربيتاعا بىردەن 104 جەر سەرىگىن ۇشىرىپ, الەمدىك رەكورد جاسادى, دەپ حابارلايدى Times of India.
زىمىران استانا ۋاقىتىمەن كەشە ساعات تاڭعى 10 شاماسىندا ۇشىرىلدى. 17 مينۋتتان كەيىن زىمىرانداعى جەر سەرىكتەرى وربيتاعا شىعارىلا باستادى. وعان 17 مينۋت ۋاقىت كەتتى. جەر سەرىكتەرىنىڭ مىندەتى - عالامشارىمىزدى سۋرەتكە ءتۇسىرۋ.
ءۇندىستاننىڭ پرەمەر-ءمينيسترى نارەندرا مودي بۇل جاعدايدى ۇندىستاننىڭ عارىشتىق زەرتتەۋ ۇيىمىنىڭ (ISRO) ەرلىگى دەپ باعالادى. "بۇل ماقتانۋعا تۇرارلىق دۇنيە. ءۇندىستان ءوزىنىڭ عالىمدارىن قولدايدى", دەپ جازدى ول ءوزىنىڭ تۋيتتەردەگى پاراقشاسىندا.
ءبىر ايتا كەتەرلىگى, جىبەرىلگەن 104 جەر سەرىگىنىڭ 103-ءى نانو جەر سەرىگى جانە ولاردىڭ سالماعى 1-10 كيلوگرامدى قامتيدى. ال ونىڭ ىشىندەگى 88 جەر سەرىگى امەريكالىق كومپانياعا تيەسىلى.
