اسەت يسەكەشەۆ: استانا جاھاندىق قالاعا اينالۋعا ءتيىس

مەملەكەت باسشىسىنىڭ ۇلت جوسپارى – 100 ناقتى قادامىندا  بەلگىلەپ بەرگەن تاپسىرمالارىن ەسكەرە وتىرىپ, 69-قادامعا سايكەس, استانا ەۋرازيا كەڭىستىگىندەگى ماڭىزدى ورتالىققا اينالۋى ءتيىس. استانا جايلى جانە جاھاندىق قالاعا اينالۋى كەرەك. ەلوردا اكىمدىگى اسا وزەكتى وتىنىشتەردى قۇرىلىمداپ, بار ماسەلەلەردى شەشۋ بويىنشا الداعى 3 جىلعا ناقتى شارالار كەشەنىن ازىرلەدى, ولار 2016-2020 جىلدارى استانا قالاسىن دامىتۋ باعدارلاماسىن تۇزەتۋ كەزىندە ەسكەرىلدى. بۇل تۋرالى بۇگىن ەلوردا اكىمى اسەت يسەكەشەۆ قالا حالقىمەن ەسەپ بەرۋ كەزدەسۋىندە ءمالىم ەتتى. «ءبىز قالانىڭ ءار اۋدانى بويىنشا ەگجەي-تەگجەيلى تالداۋ جۇرگىزدىك, «109», «اكىمدىكتىڭ بىرىڭعاي ەلەكتروندىق وتىنىشتەر جۇيەسىن» تالدادىق. مەنىڭ الەۋمەتتىك نىسانداردى ارالاۋ, اۋداندار اكىمدەرىنىڭ حالىقپەن ەسەپتىك كەزدەسۋلەرى, اشىق ەسىك كۇندەرى جانە «نۇر وتان» پارتياسى فيليالىنىڭ جەلىسىمەن وتكەن شارالار بارىسىندا 50 مىڭنان اسا سۇراق جانە ءوتىنىش ءتۇستى», – دەدى قالا اكىمى. «بەلسەندى ازامات-2017» اشىق ەسىك كۇنىن وتكىزۋ شەڭبەرىندە استانا قالاسىنىڭ اكىمدىگىنە 2845 جازباشا جانە 2357 اۋىزشا ءوتىنىش ءتۇستى. شاراعا 3312 ەلوردا تۇرعىنى مەن قوناقتارى قاتىستى. 30 قاڭتار مەن 8 اقپان ارالىعىندا اۋدانداردىڭ اكىمدەرى استانا قالاسىنىڭ حالقىمەن 22 ەسەپتىك كەزدەسۋ وتكىزدى. 6589 ادام قامتىلدى. تۇسكەن سۇراقتار/وتىنىشتەردىڭ سانى – 939, سونىڭ 553-ءى – جازباشا, 386-ءى – اۋىزشا. سونىمەن بىرگە, الەۋمەتتىك زەرتتەۋلەر, الەۋمەتتىك جەلىلەردەگى وتىنىشتەرگە مونيتورينگ جۇيەلى تۇردە جۇرگىزىلەدى. بارلىق سالالاردا ءاربىر مەملەكەتتىك ورگاننىڭ مىندەتتەرى مەن ماقساتتارى انىقتالعان», – دەدى اسەت يسەكەشەۆ. «تۇزەتىلگەن باعدارلامانىڭ باستى باسىمدىعى – قالا تۇرعىندارىنىڭ الەۋمەتتىك ءال-اۋقاتىنىڭ دەڭگەيىن ارتتىرۋ. بۇل باعىتتاعى جۇمىس 2 مىندەتتى شەشۋگە باعدارلانادى:  ءبىلىم, دەنساۋلىق ساقتاۋ سالالارىندا كورسەتىلەتىن قىزمەتتەردىڭ دەڭگەيىن كوتەرۋ, قوعامدىق كولىكتىڭ جۇمىسىن, ەكولوگيانى, قاۋىپسىزدىكتى, تۇرعىن ءۇي جاعدايلارىن جاقسارتۋ, ازىق-ت ۇلىكپەن قامتۋ ارقىلى ءومىر ءسۇرۋ ساپاسىن جاقسارتۋعا قول جەتكىزىلمەك. حالىق كىرىستەرىنىڭ وسۋىنە جاڭا ەكونوميكالىق ستراتەگيا ارقىلى, جەكە ينۆەستيتسيالاردى تارتۋ, جاپپاي كاسىپكەرلىكتى دامىتۋ ارقىلى قول جەتكىزىلمەك», – دەدى اكىم.