يسەكەشەۆ بالاباقشا كەزەگى ازاياتىنىن ايتتى

استانا قالاسىنىڭ اكىمى اسەت يسەكەشەۆ حالىققا ەسەپ بەرۋ جيىنىندا بالاباقشاعا ارنالعان اۆتوماتتى باعىتتاۋ جۇيەسىن ەنگىزىلەتىنىن مالىمدەدى. «تۇرعىندار بالاباقشا ورىندارىمەن قامتاماسىز ەتۋ ماسەلەسىن العا تارتىپ وتىر. سوندىقتان 2017 جىلدان باستاپ تولىققاندى اۆتوماتتاندىرىلعان باعىتتاۋ جۇيەسى ەنگىزىلەدى. وسىنىڭ ارقاسىندا بارلىعى اشىق ءارى تۇسىنىكتى بولادى», – دەدى يسەكەشەۆ. ول مەملەكەتتىك-جەكە مەنشىك ارىپتەستىك اياسىندا بيىل ءۇش بالاباقشا, ەكى مەملەكەتتىك مەكتەپكە دەيىنگى مەكەمە قولدانىسقا ەنگىزىلەتىنىن, سونداي-اق التى مەكەمەنىڭ قۇرىلىسى باستالاتىنىن مالىمدەدى. «ءبىز مەملەكەتتىك تاپسىرىستى 37 جاڭا جەكەمەنشىك بالاباقشاعا ەنگىزەمىز. بيىل بۇل كەزەكتى ايتارلىقتاي ازايتىپ, سونىمەن بىرگە 2020 جىلعا دەيىن مەملەكەتتىك-جەكە مەنشىك ارىپتەستىك مەحانيزمىنىڭ ارقاسىندا 138 جەكەمەنشىك بالاباقشا اشۋدى جوسپارلاپ وتىرمىز», – دەدى اكىم. سونىمەن قاتار, 2017 جىلى مەكتەپكە دەيىنگى مەكەمەلەردى قارجىلاندىرۋ ءۇشىن 10 ميلليارد تەڭگە بولىنگەنىن مالىمدەدى. بۇگىندە ەلوردادا 261 مەكتەپكە دەيىنگى مەكەمە جۇمىس ىستەپ تۇر. ونىڭ 91 – مەملەكەتتىك, 116 – جەكەمەنشىك جانە 46 – شاعىن ورتالىق. سوڭعى ءۇش جىلدا مەكتەپگە دەيىنگى بۇلدىرشىندەردىڭ قاتارى 32 پايىزعا ارتقان. 2013 جىلى ولاردىڭ سانى 72 مىڭدى قۇراسا, بىلتىر 95 مىڭعا جەتكەن.