اقش-تاعى ۋينستون چەرچيللدىڭ ۇلتتىق مۋزەيىندە بريتانيانىڭ بۇرىنعى پرەمەر-ءمينيسترى ۋينستون چەرچيللدىڭ جاتپلانەتالىقتاردىڭ بولۋى مۇمكىن ەكەنى تۋرالى 11 بەتتىك ەسسەسى تابىلدى, دەپ جازادى BBC.
1939 جىلى, ەكىنشى دۇنيەجۇزىلىك سوعىستىڭ الدىندا, چەرچيلل "عالامدا ءبىز جالعىزبىز با؟" دەگەن تاقىرىپپەن ەسسە جازعان ەكەن. كەيىن 1950 جىلدارى قايتا تۇزەتكەنىمەن, تۋىندى سول قالپى جاريالانباي قالعان.
"بۇل ەسسەنى جاريالاساق تاماشا بولار ەدى. بىراق اۆتورلىق قۇقىق ماسەلەسى وعان قايشى كەلەدى. دەگەنمەن, ادامزات ءۇشىن وتە ماڭىزدىلىعىن ەسكەرسەك, كوپشىلىكتىڭ يگىلىگىنە ەسسەنى جاريالاۋعا بولار ەدى", - دەيدى يزرايلدىك استروفيزيك ماريو ليۆيو.
ۇكىمەت باسقارىپ تۇرعان كەزىندە-اق چەرچيلل زەرتتەۋ جۇمىستارىنا ەرەكشە قىزىققان ەكەن. ول تاريحتا العاش رەت عىلىم ماسەلەسى بويىنشا كەڭەسشىسى بولعان بريتانيا پرەمەر-ءمينيسترى.
سونىمەن قاتار, سوعىستان كەيىنگى جىلدارى ۇكىمەت باسشىسى عىلىمعا ەرەكشە ءمان بەرىپ, عىلىمدى قارجىلاندىرۋدى كوبەيتكەنى بەلگىلى.
فۋلتونداعى مۋزەي قىزمەتكەرلەرىنىڭ مالىمەتىنشە, ەسسە بۇل جەرگە 1980 جىلدارى كەلگەن.
ءبىر قىزىعى, عىلىمدا جاتپلانەتالىقتاردىڭ بولۋى مۇمكىن دەگەن تۇجىرىمداما وسى ەسسە جازىلعاننان جارتى عاسىر كەيىن شىققان. "جاقىن بولاشاقتا تەك ايعا عانا ەمەس, سونىمەن قاتار شولپان جۇلدىزى مەن مارسقا دا ساپار شەگەتىن مۇمكىندىك تۋادى", - دەلىنگەن ەسسەدە.
