داريعا نازارباەۆا ازىق-ت ۇلىك باعاسىن تومەندەتۋدىڭ جاڭا ءتاسىلىن ۇسىندى

15 اقپاندا پارلامەنت سەناتىندا داريعا نازارباەۆا باستاعان حالىقارالىق قاتىناستار, قورعانىس جانە قاۋىپسىزدىك كوميتەتى ازىق-ت ۇلىك قاۋىپسىزدىگىن قامتاماسىز ەتۋ ماسەلەلەرى بويىنشا اۋىل شارۋاشىلىعى مينيسترلىگىنىڭ باسشىلىعىمەن كەزدەستى, دەپ جازادى قازاقپارات. د.نازارباەۆا مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنداعى باسىم باعىتتاردىڭ ءبىرى اگروونەركاسىپ كەشەنىن دامىتۋ ەكەنىنە كەزدەسۋگە قاتىسۋشىلاردىڭ نازارىن اۋداردى. ازىق-ت ۇلىك قاۋىپسىزدىگىنىڭ يندەكسىنە سايكەس, (The Global Food Security Index) قازاقستان 2016 جىلدىڭ قورىتىندىسى بويىنشا رەيتينگكە قاتىسقان 113 ەلدىڭ اراسىندا 68 ورىندى (2015 جىلى 109 ەلدىڭ ىشىندە 56 ورىندا بولدى) العان بولاتىن. اۋىل-شارۋاشىلىعى ءمينيسترىنىڭ ءبىرىنشى ورىنباسارى ق.ايتۋعانوۆ ەلدىڭ ازىق-ت ۇلىككە سۇرانىسىن وتاندىق ءوندىرىس ەسەبىنەن قامتاماسىز ەتۋ جانە اگروونەركاسىپ كەشەنىن مەملەكەتتىك قولداۋ شارالارى تۋرالى سەناتورلاردى حاباردار ەتتى. بايانداماشى نەگىزگى ازىق-ت ۇلىك تاۋارلارىمەن ىشكى نارىقتى قامتاماسىز ەتۋ جاعدايى 80 پايىزدى قۇرايتىنىن اتاپ ءوتتى. بۇل رەتتە كۇرىش, قوي ەتى, جۇمىرتقا, استىق, نان, ارپامەن 100 پايىز قامتاماسىز ەتىلۋدە. ىشكى نارىقتاعى ەت تە (قۇس ەتىنەن باسقا) يمپورتقا تاۋەلدى ەمەس. سونىمەن بىرگە وتاندىق ءوندىرىستىڭ جەكەلەگەن ونىمدەرى ىشكى تۇتىنۋ بارىسىندا ءالى دە تومەن دەڭگەيدە قالىپ وتىر. ول - قۇس ەتى (51,8 پايىز), سارى ماي (68,3 پايىز), ىرىمشىك پەن سۇزبە (56,5 پايىز), كۇنباعىس مايى (72,9 پايىز), كولباسا ونىمدەرى (58,7 پايىز), الما (58,0 پايىز), بالىق (65,5 پايىز). سەناتورلار س.جاقسىبەكوۆ, ي.ادىربەكوۆ, ل.كينوۆ, م.التىنباەۆ م.كوبەنوۆ, گ.كيم ازىق-ت ۇلىك قاۋىپسىزدىگىن قامتاماسىز ەتۋ جانە اگروونەركاسىپ كەشەنى جۇمىسىن جەتىلدىرۋ جونىندەگى ءوز ۇسىنىستارىن ايتتى. دەپۋتاتتار اۋىل شارۋاشىلىعى نەسيەلەرىن ءتيىمدى پايدالانۋ, وتاندىق ونىمدەردى, عىلىمي-زەرتتەۋ ينستيتۋتتارىنىڭ جۇمىسىن قولداۋ, اۋىل شارۋاشىلىعى سالاسىن زاڭنامالىق تۇرعىدا قامتاماسىز ەتۋ ماسەلەلەرىن كوتەردى. كوميتەت توراعاسى د.نازارباەۆا ازىق-ت ۇلىك ونىمدەرىنىڭ قىمباتتاۋىنا الاڭداۋشىلىق ءبىلدىردى جانە «ازىق-ت ۇلىك ونىمدەرىنە ساۋدا ۇستەمەسىن زاڭدى تۇردە شەكتەۋ قاجەت» ەكەنىن اتاپ ءوتتى.