يننوۆاتسيالىق الەۋەت اۋىلعا دا جەتتى

«قازپوشتا» اق-تىڭ زامان تالاپتارىنا ساي پوشتا بولىمشەسى اۋدان ور­تا­لىعى – ەرتىس اۋىلىندا اشىلدى. اۋدان ورتالىعىنىڭ تۇرعىندارى زاما­ناۋي تەحنولوگيامەن جابدىقتالىپ, حالىققا ساپالى, ءتيىمدى قىزمەت كورسەتەتىن پوشتا بولىمشەسىنىڭ اشىلعانىنا قۋانىشتى. بۇل – اۋىل حالقىنا دا ساپالى, ءتيىمدى قىزمەت كورسەتۋدىڭ زاماناۋي وركەنيەتتى ۇلگىسى جەتتى دەگەن ءسوز. بولىمشە بىرنەشە زالعا بولىنگەن: پوشتالىق جانە قارجىلىق قىزمەتتەر, ءاربىر ادامعا ارنالعان ورىندار, كورپوراتيۆتىك كليەنتتەرگە قىزمەت كورسەتۋ ورنى, سالەمدەمەلەر سۋپەرماركەتى بار. پوشتا بولىمشەسىندە زەينەتاقىدان باسقا, اتاۋلى الەۋمەتتىك كومەكتى, جالاقىنى الۋعا, كوممۋنالدىق, سالىق جانە باسقا تولەم­دەردى جۇزەگە اسىرۋعا, گازەت-جۋرنال­دارعا جازىلۋعا بولادى. ال اۋىل تۇرعىنى ءوز اتىنا كەلگەن سالەم­­دە­مەسىن الۋ ءۇشىن تەرمينالدىڭ ەكرا­نى­نا ۇيالى تەلەفوننىڭ ءنومىرىن جا­زىپ, قاتارى مەن جاشىكتىڭ ءنومىرى بەلگىلەنگەن تالوندى الادى. تالون ارقىلى سالەمدەمەسىن تاۋىپ, جەكە كۋالىگى ارقىلى كاسساعا كەلەدى. وسى جۇيە ارقىلى 2 مينۋت ىشىندە سالەمدەمەسىن الا الادى. − بۇل پوشتا قىزمەتىنە ەنگىزىلگەن زاماناۋي قۇرىلعىلار مەن جاڭا قىزمەت تۇرلەرىنىڭ ارقاسىندا مۇمكىن بولىپ وتىر. جاڭاشىلدىق اۋىلدارعا دا جەتتى. ەلىمىزدىڭ پوشتا قىزمەتىندە گيبريدتىك ەلەكتروندى پوشتا, Postmarket.kz ساۋدا الاڭى, پوستامات تەرمينالى, موبيلدىك قوزعالمالى قۇرىلعى سياقتى وركە­نيەتتى جاڭا جوبالار قوسىلۋدا, − دەيدى «قازپوشتا» اق وبلىستىق فيليالىنىڭ باسشىسى قايرات بەكەنوۆ. سونىمەن بىرگە, اۋداندىق پوشتا ءبولىم­شەسىنە ۆاز-2329 اۆتوكولىگى بەرىلدى. ەندى اۋداننان شالعاي ورنالاسقان اۋىلدارعا حات-حابار, گازەت-جۋرنالدار جىلدام جەتكىزىلەتىن بولادى. فاريدا بىقاي, «ەگەمەن قازاقستان» پاۆلودار وبلىسى, ەرتىس اۋدانى