ەلدەر اراسىن مادەنيەت جالعايدى

مادەنيەتتەر جاقىنداسۋىنىڭ حالىقارالىق ونجىلدىعى اياسىندا مادەني, رۋحاني مۇرالاردى, كىتاپتاردى دارىپتەۋدى باستى ماقسات تۇتقان «كىتاپ – حالىقتار دوستىعىنىڭ ۇيىتقىسى» اتتى اكتسيا بارىسىن اكادەميا­لىق كىتاپحاناعا شەت ەل ەلشىلەرى ءوز مەملەكەتتەرىنىڭ مادەنيەتى مەن رۋحانياتى تۋراسىنداعى كىتاپتا­رىن سىيعا تارتتى. «ۇلتتىق اكادە­ميا­لىق كىتاپحانا» رەسپۋبليكا­­لىق مەم­لە­كەتتىك مەكەمەسىنىڭ ديرەكتورى ءۇمىتحان مۇڭالباەۆا ءوز ەلدە­رىن­دەگى كىتاپحانالاردان قازاقس­تان­­نىڭ مادەنيەتى مەن رۋحانياتى­­نان سىر شەرتەتىن كىتاپ بۇرىشىن ­اش­قان ەلشىلەرگە زور العىسىن ءبىل­دىر­­دى. «كوپ ۇلتتى مەملەكەتپىز, ءار­بىر دامۋشى مەملەكەتتەردىڭ كىتاپ­تا­رى ءبىز­دىڭ كىتاپ­حا­نامىزدان ورىن السا نۇر ۇستىنە نۇر بولماق. ءبىزدىڭ ­وقىر­مان­دار شەتەل ادەبيەتى, مادە­­­ن­يە­تى تۋ­رالى تەرەڭىرەك بىلگىسى كەلە­­­دى. وسى­­عان بايلانىستى كوپتەگەن ەل­­دەر­­دىڭ كىتاپحانالارىمەن باي­لا­نىسى­­­مىز بار», دەيدى ءۇمىتحان مۇڭالباەۆا. گەرمانيا فەدەراتيۆتىك رەسپۋب­لي­كاسىنىڭ قازاقستانداعى توتەنشە ءجا­نە وكىلەتتى ەلشىسى رولف مافاەل مى­رزا گەتەنى قازاقشا سويلەتكەن ۇلى ابايدىڭ ءوزى ەكى ەلدىڭ اراسىنا دوستىق كوپىر سالىپ كەتكەن دەسە, ماكەدونيا رەسپۋبليكاسىنىڭ توتەنشە جانە وكىلەتتى ەلشىسى يليا پسالتيروۆ مىرزا وتكەن جىلدىڭ قىر­كۇيەك ايىندا بۋداپەشتتەگى ابايعا قويىلعان ەسكەرتكىشتى كورگەنىن جانە بۇگىندە ۆەنگر ەرتەگىلەرىنىڭ قازاق تىلىنە اۋدارىلىپ جاتقانىن قۋانىشپەن جەت­كىز­دى. ال, يتاليا ەلشىلىگى ميسسياسى­ باس­شى­­سىنىڭ ورىنباسارى ماتتەو پەتريني 2015 جىلى ميلاندا «ەحرو-2015» كورمەسىنىڭ وتكەنىن جانە ەڭ بەلسەندىلىك تانىتقان مەملەكەتتەردىڭ ءبىرى قازاقستان ەكەنىن ايتىپ, ەكى ەل اراسىنداعى رۋحاني بايلانىس جىلدان-جىلعا نىعايا بەرەتىنىنە سەنىم ءبىلدىردى. رۋحاني الەمنىڭ قاينار كوزى سانالاتىن كىتاپحانادا وتكەن بۇل كەزدەسۋ سوڭىندا نەمىستەر قوعامىنىڭ «ۆيدەرگەبۋرت», «شپەتتە بليۋمەن» انسامبلدەرى ۇلتتىق ناقىشتاعى اۋەندەرىن شىرقادى. ورالحان ءداۋىت, «ەگەمەن قازاقستان» استانا