وڭتۇستىكتەن يرانعا ەت ەكسپورتتالادى

يران يسلام رەسپۋبليكاسىنان كەلگەن ءبىر توپ دەلەگاتسيا وڭتۇستىككە ات باسىن بۇرماس بۇرىن ايماقتىڭ احۋالىن زەرتتەپ, ەسەپ-قيساپ جۇرگىزگەنى انىق. ويتكەنى, تابىس تابۋعا باعىتتالعان كاپيتالدى قۇياتىن ءاربىر ينۆەستوردىڭ ءبىرىنشى كەزەكتە ءوڭىردىڭ ىسكەرلىك جانە ينۆەستيتسيالىق احۋالى مەن جاسالاتىن جەڭىلدىكتەرگە مان بەرەتىنى ءمالىم. بۇل ورايدا, وڭتۇستىك قازاقستان وبلىسىندا شاعىن جانە ورتا بيزنەستى دامىتۋ ماقساتىندا مەملەكەت تاراپىنان ءتۇرلى ءتيىمدى جەڭىلدىكتەر قاراستىرىلىپ, ينۆەستورلارعا قولايلى جاعدايلار جاسالۋدا. اكىمشىلىك كەدەرگىلەر دە مەيلىنشە ازايتىلىپ وتىر. سونىمەن قاتار, ەلبا­سى ن.نازارباەۆتىڭ اۋىل شا­­رۋاشىلىعىن ءار­تا­راپ­تاندىرىپ, 2021 جىلعا قاراي ازىق-ت ۇلىك تاۋارى ەكسپورتىن 40%-عا كوبەيتۋ جونىندەگى تاپسىرماسى ينۆەستيتسيا تارتۋ باعىتىنداعى جۇمىستاردى جانداندىرا تۇسۋگە ءمىن­دەت­تەي­­دى. «قازاقستاننىڭ اگ­رو­ونەر­­كاسىپ كەشەنىنىڭ بو­لا­شا­عى زور. كوپتەگەن پوزيتسيا­لار بويىنشا ءبىز الەمدە ءىرى اگرارلىق ەكسپورتتىق ءونىم وندىرۋشىلەردىڭ ءبى­رى بولا الامىز. بۇل, ءاسى­رە­سە, ەكولوگيالىق تازا تا­عامدارعا قاتىستى. «Made in Kazakhstan» برەندى سونداي ونىمدەردىڭ ەتالونى بولۋعا ءتيىس», دەدى ن.نازارباەۆ «قازاقستاننىڭ ءۇشىنشى جاڭ­­عىرۋى: جاھاندىق باسە­كە­­گە قابىلەتتىلىك» اتتى جول­داۋىندا. ءوڭىردىڭ ين­ۆەس­­تي­تسيالىق احۋالى, ەكو­لو­­گيا­لىق تازا اۋىل­شا­رۋا­شى­لىق ونىمدەرى كو­ڭى­لى­نەن شىق­قان يران يسلام رەس­پۋب­لي­كاسى اۋىل شارۋا­شى­لى­عى ءمينيسترىنىڭ كەڭەسشىسى مير­لوگي سەيەدالياكبار اگارەزا وبلىس اكىمى جانسەيىت­ تۇيمەباەۆپەن كەز­دە­سۋىن­دە ەكى ەل ءۇشىن دە ءتيىم­­دى بو­­لا­تىن جوبالاردى ءجۇ­زە­گە اسىرۋعا نيەتتى ەكە­نىن جەت­كى­ز­دى. سونداي-اق, كەز­دەسۋ با­رىسىندا تاراپتار ءبىر­لەس­كەن كاسىپورىندار قۇرۋ, تەح­نو­لوگيالاردى جەتىلدىرۋ, اۋىل شارۋاشىلىعى سالالارىن دامىتۋ جايىن ءسوز ەتتى. ءبىر­­­لەسكەن كاسىپورىننىڭ ال­عاش­قىسى اشىلىپ تا ۇلگەردى. يراندا جىلدىق ەتكە قا­جەت­ت­ىلىك 2 ملن 400 توننانى قۇ­رايدى ەكەن. بۇل ورايدا وڭتۇستىكتەن كۇنىنە 60 توننادان استام ەكولوگيالىق تا­زا ەت ەكسپورتتالماق. ونى كۇ­نى كەشە سايرام اۋدانىندا يراندىق ينۆەستورلاردىڭ قا­تىسۋىمەن اشىلعان ءىرى كو­لەم­دە ەت جانە ەت ونىمدەرىن دايىندايتىن جاڭا كومبينات جۇزەگە اسىراتىن بولادى. مۇندا تاۋلىگىنە 3000 ۇساق مال مەن 200 ءىرى قارا سوي­ىلىپ, ازىرلەنەدى. «قايىپ اتا» جشس-ءنىڭ ەنشىلەس قو­جالىعى بولىپ تابىلاتىن «يۋكو-ەكو-FOOD» ەت كومبيناتى بۇل جوبانى يران مەملەكەتىمەن ءبىر­لە­سە باستاپ وتىر. جاڭا ەت كوم­بيناتىنىڭ اشىلۋ سالتانا­تىنا وبلىس اكىمى مەن يران يسلام رەسپۋبليكاسىنىڭ اۋىل شارۋاشىلىعى ميني­سترى­نىڭ كەڭەسشىسى باستاپ كەل­گەن دەلەگاتسيا قاتىستى. كو­لەمى 15 گەكتار بولا­تىن ەت كومبيناتىنىڭ 2000 شارشى مەتردەن اس­تام اۋماعى ءون­دى­رىستىك قۇ­رى­لىمعا نە­گىز­دەلگەن. گەر­ما­نيالىق تەح­­نولوگيامەن جابد­ىق­تال­­عان كاسىپورىن تولىق قۋات­تىلىعىنا شاققاندا 5 مىڭ ۇساق مال ەتى ءوندىرىلىپ, جەر­گى­ل­ىكتى 350 ادامدى جۇمىسپەن قام­تاماسىز ەتپەك. جوبانىڭ ينۆەس­تيتسيالىق قۇنىنىڭ 75 پايىزىن يراندىق ينۆەستورلار سالعان. عالىمجان ەلشىباي, «ەگەمەن قازاقستان» وڭتۇستىك قازاقستان وبلىسى