«قازاق قىمىزى» قاۋىمداستىعى قۇرىلدى

ەرتەدەن استىڭ ادالدىعىنا ءمان بەرگەن حالىق جىلقى ەتى مەن ءسۇتىن سالاماتتى ءومىر سالتى ءۇشىن دە پايدالانعان. قىمىزدىڭ قاسيەتىن تەرەڭ تۇسىنگەن اتا-بابالارىمىز سوناۋ قيىن-قىس­تاۋ كەزەڭدەردە دە ۇلتتىق سۋسىن­نان قول ءۇزىپ كەتكەن جوق. قامبار اتا ت ۇلىگىنىڭ قادىر-قا­سيەتى دە ءتورت قۇبىلامىزدى تۇگ­ەن­دەپ تۇ­ر­­عانداي. بىراق سوڭعى كەز­دەرى «قىمىزدى نەمىستەردىڭ پا­تەنت­­تەگەنى» تۋرالى اڭگىمەلەر دە ايتى­لىپ قالىپ ءجۇر ەدى. الايدا ع­ا­سىرلار بويى قازاقتىڭ قانىنا ءسىڭ­گەن قاسيەت ءوزىنىڭ يگىلىگىمەن دە ۇلتتىڭ بولمىسىنان الىستاما­سى انىق. جەرى شۇرايلى جامبىل ءوڭىرى – اۋىل شارۋاشىلىعى ءۇشىن دە وتە قولايلى مەكەن. اسىرەسە جاز جاي­لاۋى, قىس قىستاۋى جىلقى ما­لىنا جايلى. سوندىقتان دا وب­لىستا ۇلتتىق سۋسىننىڭ ءباسى جوعارى. وسى ءسوزىمىزدىڭ دالەلى, جۋىردا عانا وبلىستىڭ قىمىز وندىرۋشىلەرى ءبىر ۇيىمعا بىرىگۋ جونىندە ورتاق ۇيعارىمعا كەلىپ, ناتيجەسىندە ۇلتتىق ءونىم ءتۇرىن وندىرۋشىلەردىڭ «قازاق قىمىزى» قاۋىمداستىعى قۇرىلدى. جالپى, مۇنداي ۇيىم قۇرۋ تۋ­­رالى باستاما وتكەن جىلى قى­­مىز ءوندىرۋشى كاسىپكەرلەر مەن شارۋا قوجالىقتارى جەتەك­شى­­لەرى اراسىندا دا كوتەرىلگەن بو­­لاتىن. قازىرگى تاڭدا بۇل باس­تا­ما وبلىستان قولداۋ تاۋىپ, شا­رۋاشىلىق جايىن شا­رىق­تا­تىپ كەلەدى. قىمىزدىڭ مىڭ دا ءبىر ءتۇرلى اۋ­رۋعا ەم ەكەنى ىقىلىمنان بەل­گىلى. سونداي-اق, سالاماتتى ءومىر سال­تىن ۇستانۋعا دا ۇلكەن سەپ. «اۋىرىپ ەم ىزدەگەنشە, اۋىر­ماۋ­دىڭ جولىن ىزدەيتىن» حا­لىق­تىڭ دا ۇلتتىق برەندكە دەگەن سۇ­رانىسى جوعارى بولادى دەگەن ءۇمىت زور. المانيا مەملەكەتى سىرا فەس­تي­ۆالىن وتكىزۋمەن, ال ءۇندىستان ءۇن­دى شايىن وندىرۋمەن اتى شىق­قان ەلدەر ساناتىندا. ءاربىر ەل­دىڭ وزىندىك ەرەكشەلىگى مەن قول­ت­اڭ­باسى بار. ال قازاقتىڭ ماڭ­داي­ىنا بۇيىرعان, تالايىنا سىي بو­لىپ تارتىلعان قىمىزدىڭ ءجو­نى ءبىر باسقا. حاميت ەسامان, «ەگەمەن قازاقستان» تاراز