حالىقارالىق سىيلىقپەن ماراپاتتالدى

وسى كۇندەرى دۋبايدا ءوتىپ جاتقان The World Government Summit اتتى حالىقارالىق ۇكىمەت سامميتىندە اقپارات جانە كوممۋنيكاتسيالار ءمينيسترى داۋرەن اباەۆ باسقارعان قازاقستان دەلەگاتسياسى Egov – mgov ءموبيلدى قوسىمشاسىن ازىرلەپ, ەندىرگەنى ءۇشىن First World Govtechineers Race-2017 سىيلىعىمەن ماراپاتتالدى. داۋرەن اباەۆقا سىيلىقتى دۋباي ءامىرى, ءباا پرەمەر-ءمينيسترى جانە ۆيتسە-پرەزيدەنتى شەيح موحاممەد يبن راشيد ءال-ماكتۋم تابىس ەتتى. Egov.kz ءموبيلدى قوسىم­شاسى 2014 جىلدىڭ اياعىندا ىسكە قوسىلىپ, وسىنداي قىسقا مەر­زىم ىشىندە ءوزىن كورسەتە ءبىلدى ءارى تيىمدىلىگىن دالەلدەپ ۇلگەردى دەپ اتاپ ءوتتى سامميت ۇيىمداستىرۋشىلارى. اقپارات جانە كوممۋنيكاتسيالار ءمينيسترى داۋرەن اباەۆ: «بۇل ماراپات وسى سالانىڭ ودان ءارى دامۋى ءۇشىن ىنتالاندىرۋ بولىپ تابىلادى», – دەپ اتاپ ءوتتى. Egov.kz ءموبيلدى قوسىم­شاسى ءۇش تۇعىرنامادا (An­droid, iOS, Windows Phone) ءىس­كە اسىرىلعان. بۇگىندە وندا 86 قىزمەت قولجەتىمدى. ونىڭ ماق­ساتى حالىققا ءموبيلدى باي­لانىس ارقىلى قىزمەت كورسە­تۋ ءۇشىن ءموبيلدى ۇكىمەت تۇعىر­نا­ماسىن قۇرۋ بولىپ تابىلادى. قوسىمشانى سمارتفوندارى بار قولدانۋشىلار پايدالانا الادى. قوسىمشانى Google Play جانە App store, Microsoft Store ونلاين-دۇكەندەرىندە جۇكتەپ الۋعا بولادى. Mgov-تىڭ تىركەلگەن قولدانۋشىلار سانى 2016 جىلدىڭ اياعىنداعى مالىمەت بويىنشا 1 636 937 قولدانۋشىنى قۇراعان. سول سياقتى اقپارات جانە كوممۋنيكاتسيالار ءمينيسترى داۋرەن اباەۆ دۋبايدا The World Government Summit-ءتىڭ وتكىزىلۋى شەڭبەرىندە بىرىككەن اراب امىرلىكتەرىنىڭ ەكونوميكا ءمينيسترى سۋلتان يبن سايد ءال-مانسۋري مىرزامەن كەزدەسۋ وتكىزدى. كەزدەسۋ بارىسىندا ءداۋ­رەن اباەۆ تسيفرلاندىرۋ سالا­سىن­داعى تاجىريبەمەن, «تسيفرلىق قازاقستان» باعدارلاماسىمەن ءبولىسىپ, Smart-city دامىتۋ شەڭبەرىندە استانا حابىن قۇرۋ تۋرالى ايتىپ بەردى. تاراپتار تسيفرلىق ترانسفورماتسيانى ىلگەرىلەتۋگە جانە دامىتۋعا باعىتتالعان IT جانە جوعارى تەحنولوگيالار سالاسىندا ءوزارا ىنتىماقتاستىق تۋرالى كەلىستى. بۇدان باسقا, داۋرەن اباەۆ ءباا باقىت ءمينيسترى وحۋد ءال-رۋميمەن كەز­دەستى. تا­راپ­تار حالىققا مەملە­كەت­تىك قىزمەتتەر كورسەتۋ, ۇسى­نى­لاتىن راسىمدەردى جەڭىل­دەتۋ پروتسەسىن جاڭعىرتۋ سالا­سىن­داعى, سونداي-اق, مەملە­كەتتىك قىزمەتتەر سالاسىنداعى مەنەدجمەنت ماسەلەلەرى بويىنشا ەكىجاقتى ىنتىماقتاستىق ءجا­نە ىلگەرىلەتۋ ماسەلەلەرىن تال­قىلادى. «ەگەمەن-اقپارات»