قازاقستاندا قاڭتار ايىندا 2288 كولىك ساتىلدى

  2017 جىلدىڭ قاڭتار ايىندا رەسمي ديلەرلەردىڭ  اۆتوورتالىقتارىندا 2288 كولىك ساتىلدى.  بۇل وتكەن جىلدىڭ وسىعان سايكەس مەرزىمىمەن سالىستىرعاندا 35,3%-عا تومەن. قازاقستاندىقتار قاڭتار ايىندا تەمىر تۇلپار ساتىپ الۋعا $51,6 ملن. تەڭگە جۇمساعان, دەپ xابارلايدى "قازاۆتوپروم". "جاڭا كولىكتەردىڭ 94 پايىزىن قازاقستاندىقتار رەسمي ديلەرلەردەن ساتىپ العان. بۇل كورسەتكىشتەر نارىقتىڭ قالپىنا كەلە باستاعاندىعىن كورسەتەدى", - دەدى «قازاۆتوپروم» قازاقستان اۆتوموبيل سالىسى كاسىپورىندارى وداعىنىڭ باسقارما توراعاسى ولەگ الفەروۆ. قاڭتاردا ساتىلعان كولىكتەردىڭ 1655-ءى (72%) - يمپورتتالعان, ال 633 ساتىپ الۋشى  (28%) وتاندىق كولىكتەرگە تاڭداۋ جاساعان. قازاقستاندىقتار تاراپىنان ۇلكەن قىزىعۋشىلىققا يە برەندتەردىڭ كوشىن Toyota باستاپ تۇر. ءبىر ايدا جاپوندىق ماركانىڭ 393 كولىگى ساتىلىپ كەتكەن. Lada مودەلدەرىنىڭ ساتىلىمى 323 بىرلىكتى قۇرادى. ءۇشىنشى ورىندا 259 كولىكپەن Renault برەندى تۇر. ۇزدىك بەستىكتى Hyundai (177) مەن GAZ (164) تۇيىندەدى. ەڭ تانىمال TOP-10 ماركانىڭ ىشىنە Ravon (152), KIA (119), UAZ (100), Volkswagen (99) مەن Chevrolet (94) كىرىپ وتىر. قازاقستان نارىعىندا ەڭ ءىرى ويىنشى مارتەبەسىن بيپەك اۆتو - ازيا اۆتو xولدينگى ساقتاپ قالدى. ساتىپ الۋشىلاردىڭ 26,4% وسى xولدينگتىڭ ونىمدەرىنە توقتالعان. نارىقتىڭ 14,9 پايىزىن كمك Astana Motors يەلەنىپ وتىر. وندىقتىڭ ىشىنە ۆيراج - 11%, Toyota City الماتى (4,7%), Allur Auto (4,4%), ۋرال-كروۆ (3,8%), Aster Auto (3,7%), Mercur Auto (3,6%), لەكسۋس الماتى (2%) مەن الماتى اتو (1,9%) كىرگەن. ساتىپ الۋلاردىڭ ەڭ كوپ ۇلەسى نەگىزىنەن الماتى (646 اۆتو), استانا (388), اتىراۋ (194), قوستاناي (146), شىمكەنت (136), اقتوبە (126), ورال (119), اقتاۋ (114), وسكەمەن (102) مەن قاراعاندى (96) قالالارىنا تيەسىلى.