فەدور ەمەليانەنكو سپورتتان قاشان كەتەتىنىن ايتتى

ارالاس جەكپە-جەك جۇلدىزى فەدور ەمەليانەنكو Bellator ۇيىمىمەن كەلىسىمشارتى اياقتالعاننان كەيىن سپورتان كەتپەك, دەپ حابارلايدى vesti.kz. «Bellator-داعى مانساپ جولىن اياقتاعىم كەلەدى. كەلىسىمشارتقا سايكەس مىندەتىمدى اتقارامىن. مەن ءۇشىن اينالامداعى جاندارمەن جاقسى قارىم-قاتىناستا بولۋ ماڭىزدى. سكوتت كوكەرمەن (ۇيىم باسشىسى) اراداعى سىيلاستىعىمدى قۇرمەتتەيمىن», – دەيدى سپورتشى. ءوزىنىڭ جەكپە-جەك الەمىنە قايتا ورالاتىنى تۋرالى سپورتشى 2015 جىلدىڭ 14 شىلدەسىندە مالىمدەگەن بولاتىن. ال بىلتىر قاراشادا 40 جاستاعى رەسەيلىك جەكپە-جەك شەبەرى Bellator ۇيىمىمەن بىرنەشە كەزدەسۋ وتكىزۋ تۋرالى كەلىسىمشارتقا قول قويعان. ەمەليانەنكونىڭ كەلەسى جەكپە-جەگى 16 اقپاندا امەريكالىق مەتت ميتريونمەن بولادى. «سوڭعى يمپەراتور» اتانعان اتاقتى سپورتشى جالپى 40 جەكپە-جەك وتكىزگەن. 35 كەزدەسۋدە جەڭىسكە جەتىپ, ءتورت رەت ۇتىلدى جانە ءبىر جەكپە-جەك دارىگەرلەر شەشىمىمەن توقتاتىلعان بولاتىن.