ومبۋدسمەن وڭىرلىك وكىلمەن كەزدەستى

استانادا قازاقستان رەسپۋبليكاسىنداعى ادام قۇقىقتارى جونىندەگى ۋاكىل (ومبۋدسمەن) اسقار شاكىروۆ بۇۇ-نىڭ ورتالىق ازياداعى ادام قۇقىقتارى جونىندەگى جوعارعى كوميسسارىنىڭ وڭىرلىك وكىلى رىشارد كومەندامەن كەزدەستى, دەپ حابارلادى قازاقستان رەسپۋبليكاسىنداعى ادام قۇقىقتارى جونىندەگى ۋاكىلدىڭ ءباسپاسوز قىزمەتى. كەزدەسۋ بارىسىندا ۇلتتىق قۇقىق قورعاۋ مەكەمەسىنىڭ ينس­تيتۋتتىق دامۋى, وسى سالا­داعى زاڭنامانى جەتىلدىرۋ سالا­سىن­داعى ەكىجاقتى ىنتى­ماق­تاستىق ماسەلەلەرى تالقىلاندى. ومبۋدسمەن ادام قۇقىق­تارى مەن بوستاندىقتارىن ءىل­گەرىلەتۋدە وڭتايلى ناتيجەلەر مەن تۇراقتىلىققا قول جەتكىزۋگە مۇمكىندىك بەرەتىن بۇۇ باستى قۇرىلىمدارىنىڭ بىرىمەن كوپ جىلدىق ءتيىمدى ءوزارا قارىم-قاتىناستارىن اتاپ ءوتتى. بىرلەس­كەن باعدارلامالار مەن ءىس-شارالاردى جۇزەگە اسىرۋ قۇقىق قورعاۋ قىزمەتىنىڭ قازاقستان­دىق تاجىريبەسىن, قازاقستاندا دا, ودان تىسقارى جەرلەردە دە ونىڭ جەتىستىكتەرىن كورسەتۋ مۇمكىندىگى قامتاماسىز ەتەدى. ءوز كەزەگىندە, ر.كومەندا مىر­زا ومبۋدسمەن مەكەمەسىنىڭ ادام قۇقىقتارىن قورعاۋداعى مەملەكەتتىك تەتىكتەگى ءرولىن وڭ باعا­لاي كەلە, قازاقستاندىق ۇلت­­تىق قۇقىق قورعاۋ ينستيتۋتى قازىرگى ۋاقىتتا مەملەكەتتىك ورگان­دار مەن ازاماتتىق قوعام ارا­سىنداعى مەدياتور ورنىندا نىق وتىرعانىن اتاپ ءوتتى. تاراپتار ىنتىماقتاس­تىق­تىڭ الداعى ۋاقىتتاعى با­سىم با­عىت­تارى مەن پەرسپەكتيۆالارى تۋ­رالى, اتاپ ايتقاندا, ۇلتتىق قۇ­قىق قورعاۋ مەكەمەلەرىنىڭ ازيا-تىنىق مۇحيتى فورۋمى مەن باسقا دا بىرلەسكەن جوبالار شەڭ­بەرىندەگى ىنتىماقتاستىعى تۋرا­لى وي-پىكىرلەرىمەن الماستى.