قازاقستاندا بەس جىلدا 9 تەراكت بولعان

سوڭعى بەس جىلدا قازاقستاندا 9 تەراكت بولعان. بۇل تۋرالى بۇگىن استانادا لاڭكەستىككە قارسى كۇرەس ماسەلەلەرى كوتەرىلگەن xالىقارالىق دوڭگەلەك ۇستەلدە قر باس پروكۋرورىنىڭ ورىنباسارى اندرەي كراۆچەنكو ءمالىم ەتتى, دەپ حابارلادى قازاقپارات. «حالىقارالىق لاڭكەستەردىڭ قىزمەتى كەڭەيىپ جاتىر. كۇن سايىن تەررورلىق اكتىلەردەن بەيبىت xالىق جاپا شەگۋدە. دايش تەراكتىلەرىن قوسپاعاندا سوڭعى ەكى جىلدا 3 مىڭنان استام ادام كوز جۇمدى. ونداعان مىڭ ادام جاپا شەكتى. راديكالدى توپتاردىڭ كەسىرى بىزگە تيۋدە. سوڭعى 5 جىلدا قازاقستاندا 9 تەراكتى بولدى. بارلىعىمىزعا دا ورتاق اتالمىش قاۋىپ-قاتەرلەرمەن كۇرەس ءبىزدىڭ تىعىز جۇمىس ىستەۋىمىزدى تالاپ ەتەدى», – دەدى اندرەي كراۆچەنكو. ونىڭ سوزىنشە, بۇگىندە لاڭكەستىك توپتار ءوز قاتارلارىن ينتەرنەت ارقىلى تولتىرۋدا. «ەكسترەميستەرگە اقپاراتتىق قىزمەتتەر جۇمىس ىستەيدى. ساراپشىلاردىڭ انىقتاعانىنداي, لاڭكەستەردىڭ قاتارىنا جاستاردىڭ 80 پايىزى ينتەرنەت ارقىلى قوسىلعان. بۇۇ مالىمەتتەرى بويىنشا, شەتەلدىك لاڭكەستەر ءوز قاتارلارىن تولىقتىرا تۇسۋدە. قازىر دايش قاتارىندا الەمنىڭ 80 مەملەكەتىنەن كەلگەن ازاماتتار بار. ولاردىڭ سانى زاڭسىز ميگراتسيالىق جولدار ارقىلى مولايىپ جاتىر. لاڭكەستىك ۇيىمداردى قارجىلاندىرۋ جۇيەسى دە جەتىلۋدە. قازىر ولار ەسىرتكى ساتۋدان, زاڭسىز قارۋ-جاراق اينالىمىنان, توناۋدان, مۇنايدان, ادام ساۋداسىنان قاراجات تۇسىرۋدە. وعان قارسى ءىس-شارالاردىڭ تيىمدىلىگىن تەك مەملەكەتتەردىڭ بىرلەسكەن ءىس-قيمىلىنىڭ نەگىزىندە عانا شەشۋگە بولادى», – دەپ اتاپ ءوتتى ول. دوڭگەلەك ۇستەل الاڭىن پايدالانا وتىرىپ, ا. كراۆچەنكو بارلىق ەلدەرگە ورتاق لاڭكەستىكپەن كۇرەس كونۆەنتسياسىن قابىلداۋدى ۇسىندى. «لاڭكەستىك ۇعىمىن بەلگىلەۋدە ءتۇرلى تۇسىنىكتەمەلەر بەرىلۋدە. بىلىكتىلىك پەن جاۋاپكەرشىلىك فورمالارىنىڭ بىرىڭعايلىعىن بەلگىلەۋ قاجەتتىلىگى تۋىنداۋدا. بۇنى لاڭكەستىكپەن كۇرەس كونۆەنتسياسىن قابىلداۋ ارقىلى عانا شەشۋگە بولادى  دەپ سانايمىز», – دەدى ول.