"ۇلتتىق اقپاراتتىق تەحنولوگيالار" اق باسقارما توراعاسى مىندەتىن اتقارۋشى تاعايىندالدى

ءالنۇر ەرماعامبەتوۆ "ۇلتتىق اقپاراتتىق تەحنولوگيالار" اق باسقارما توراعاسىنىڭ مىندەتىن اتقارۋشى بولىپ تاعايىندالدى, - دەپ حابارلايدى ۆەدومستۆونىڭ ءباسپاسوز قىزمەتى. ديرەكتورلار كەڭەسىنىڭ 2017 جىلعى 27-اقپانىنداعى №177 شەشىمىنە سايكەس اعىمداعى جىلدىڭ 30 قاڭتارىنان باستاپ "ۇلتتىق اقپاراتتىق تەحنولوگيالار" اق باسقارما توراعاسىنىڭ مىندەتىن اتقارۋشى لاۋازىمى ءالنۇر ەرماعامبەتوۆكە جۇكتەلدى. بۇگىنگە دەيىن ءالنۇر ەرماعامبەتوۆ "Astana Innovations" اق باسقارما توراعاسى بولىپ كەلگەن. ەرماعامبەتوۆ ءالنۇر مەلس ۇلى 1978 جىلدىڭ 10 اقپانىندا الماتى قالاسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىنىڭ بيولوگيا فاكۋلتەتىن تامامداعان, 2009 جىلىمااستريحت مەنەدجمەنت مەكتەبى جانە حالىقارالىق بيزنەس اكادەمياسىنىڭ "جالپى ستراتەگيالىق باسقارۋ" ماماندىعى بويىنشا بىرىككەن كۋرسىن بىتىرگەن. 2008-2015 جىلدار ارالىعىندا "حيۋلەتت-پاككارد (ك)" جشس-دە قىزمەت اتقاردى. 2016 جىلى HP Global Trading B.V. كومپانياسىنىڭ قازاقستانداعى فيليالىنا جەتەكشىلىك ەتتى.