مەملەكەتتىك ورگانداردىڭ قىزمەت ساپاسى جونىندەگى رەيتينگتە ورتالىق اتقارۋشى ورگانداردىڭ اراسىندا ۇلتتىق بانك, قارجى مينيسترلىگى مەن Əدىلەت مينيسترلىگى العاشقى ءۇش ورىندى يەلەنگەن. ال, ەنەرگەتيكا مينيسترلىگى مەن جوعارعى سوت بۇل رەيتينگتىڭ سوڭعى ورىندارىندا تۇر, دەپ حابارلايدى قازاقپارات.
ال, جەرگىلىكتى اتقارۋشى ورگانداردىڭ رەيتينگىندە ماڭعىستاۋ وبلىسى ءبىرىنشى ورىن السا, الماتى قالاسى سوڭعى ورىندا تۇر. بۇل رەيتينگتى بۇگىن مەملەكەتتىك قىزمەت جəنە سىبايلاس جەمقورلىققا قارسى كۇرەس اگەنتتىگىندە «ءبىلىم» اتتى عىلىمي-زەرتتەۋ ورتالىعى ءوزىنىڭ قوعامدىق مونيتورينگىنە سۇيەنە وتىرىپ جاريا ەتتى.
ءبىر ايتا كەتەرلىگى, رەيتينگ 2016 جىلدىڭ قورىتىندىسى بويىنشا əزىرلەنگەن. ساۋالناماعا قاتىسقان قازاقستاندىقتاردىڭ كوبى مەملەكەتتىك ورگاندارداعى قاعازباستىلىق پەن كەزەكتىڭ كوبىنە جəنە كونسۋلتاتسيانىڭ جوقتىعىنا شاعىمدانعان.
