2016 جىلى جەدەل جاردەمنىڭ ەڭ كوپ شاقىرىلىمى وقو-دا تىركەلگەن

2016 جىلى قازاقستاننىڭ جەدەل جاردەم قىزمەتى 7,8 ميلليوننان اسا شاقىلىم جاساعان. وڭىرلەر اراسىندا ەڭ كوپ شاقىرىلىم سانى وڭتۇستىك قازاقستان وبلىسىندا تىركەلگەن, - دەپ حابارلايدى قر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ءباسپاسوز قىزمەتى. "2016 جىلى قازاقستاننىڭ جەدەل مەديتسينالىق كومەك قىزمەتىندە (بۇدان ءارى - جمك) 7 ميلليون 835 مىڭ 624 شاقىرتۋ جۇزەگە اسىرىلدى. وڭىرلەر اراسىندا ەڭ كوپ شاقىرىلىم سانى - وڭتۇستىك قازاقستان (1 ميلليون 168 مىڭ), الماتى (1 ميلليون 22 مىڭ) وبلىستارى مەن الماتى قالاسىندا (859 مىڭ 244), سونىمەن قاتار, شىعىس قازاقستان وبلىسىندا (716 مىڭ 289) تىركەلگەن. ال جەدەل مەديتسينالىق كومەك قىزمەتىنە از جۇگىنگەن تۇرعىندار - سولتۇستىك قازاقستان وبلىسىنداعىلار (858 مىڭ شاقىرىلىم)", - دەلىنگەن حابارلامادا. ءباسپاسوز قىزمەتىندەگىلەردىڭ مالىمەتىنشە, ششاقىرىلىمعا سەبەپ بولاتىن جاعدايلاردىڭ باسىم كوپشىلىگى تىنىس الۋ ورگاندارى مەن جۇرەك-قانتامىرلار جۇيەسىنىڭ اۋرۋلارى, جاراقاتتار مەن ۋلانۋلار, نەۆرولوگيالىق جانە جۇقپالى اۋرۋلارمەن بايلانىستى بولىپ وتىر. سونىمەن قاتار, 2016 جىلى ناتيجەسىز (جالعان) شاقىرىلىمدار سانى رەسپۋبليكا بويىنشا 183 مىڭ 387 بولدى. سونداي-اق, ۆەدومستۆونىڭ مالىمەتىنشە, بۇگىندە جمك قىزمەتىندە 20 مىڭنان اسا ادام قىزمەت ەتەدى. رەسپۋبليكا بويىنشا 24 دەربەس ستانتسيالار جانە 62 كىشى ستانتسيالار جۇمىس ىستەيدى, ءبىر تاۋلىككە 1300 بريگادا جانە اۆتوكولىك بىرلىكتەرى جۇمىلدىرىلعان.