2016 جىلى زەينەتاقى اكتيۆتەرىندەگى ينۆەستيتسيالىق كىرىس 531 ملرد تەڭگەنى قۇرادى

2016 جىلدىڭ قورىتىندىسى بويىنشا زەينەتاقى اكتيۆتەرىندەگى ينۆەستيتسيالىق كىرىس 531 ملرد. تەڭگەنى قۇرادى. بۇل تۋرالى قر ۇلتتىق بانكى توراعاسىنىڭ ورىنباسارى عالىمجان ءپىرماتوۆ ايتتى. «وسىلايشا, وتكەن جىل بويى بجزق-نىڭ زەينەتاقى اكتيۆتەرى بويىنشا ورتاشا الىنعان اي سايىنعى كىرىس 44,3 ملرد. تەڭگە دەڭگەيىندە بولدى», دەدى قر ۇلتتىق بانكى توراعاسىنىڭ ورىنباسارى. ونىڭ ايتۋىنشا,2016 جىلعى 12 ايدا زەينەتاقى اكتيۆتەرىنىڭ 848,7 ملرد. تەڭگەگە 6,7 ترلن. تەڭگەگە دەيىن ۇلعايعان. بۇل رەتتە بۇل ءوسىمنىڭ 62,6%-ىن الىنعان ينۆەستيتسيالىق كىرىس قۇراعان.  2017 جىلعى 1 قاڭتارداعى جاعداي بويىنشا «بجزق» اق سالىمشىلارىنىڭ زەينەتاقى جيناقتارى 6 685,3 ملرد. تەڭگە بولعان. ونىڭ ىشىندە 5 334,9 ملرد. تەڭگە (80%) مولشەرىندەگى زەينەتاقى جارنالارى, 1 350,4 ملرد. تەڭگە (20%) مولشەرىندەگى سومانى ينۆەستيتسيالىق كىرىس قۇرادى. «بجزق» اق قۇرىلعان ساتتەن باستاپ, ساقتاندىرۋ ۇيىمدارىنا اۋدارىمداردى قوسا العاندا, سالىمشىلارعا تولەنگەن زەينەتاقى تولەمدەرىنىڭ كولەمى 410,6 ملرد. تەڭگەنى قۇرادى. سونداي-اق ع. ءپىرماتوۆ ينۆەستيتسيالىق كىرىستى ەسەپتەۋ كۇن سايىن جۇزەگە اسىرىلاتىنىن ايتتى.