ترامپتىڭ كوشى-قون ساياساتى دوللاردىڭ قۇنىن ءتۇسىرىپ جىبەردى

بۇگىن ازياداعى ساۋدا سەسسياسىندا دوللاردىڭ قۇنى تومەندەپ كەتتى, دەپ جازادى investing باسىلىمى.  وعان سەبەپ دونالد ترامپتىڭ وتكەن اپتادا ەلدەگى كوشى-قون ساياساتىنا ەنگىزگەن بىرقاتار جاڭالىقتارى اسەر ەتكەن. اتاپ ايتار بولساق, مەكسيكامەن ارادا قورعان سالۋ تۋرالى قۇجاتقا قول قويۋ مەن تاياۋ شىعىستاعى ەلدەردىڭ (يراك, يران, ليۆيا, سومالي, سيريا, سۋدان, يەمەن) ازاماتتارىن ەلگە كىرگىزبەۋ تۋرالى قاۋلىسى كوپشىلىكتىڭ قارسىلىعىنا ۇشىرادى. بۇنداي تىيىم باراك وبامانىڭ كەزىنەن بار بولعانىمەن, ترامپتىڭ مالىمدەمەسى بىرقاتار كاسىپكەرلەردىڭ, سونىڭ ىشىندە سيليكون اڭعارى وكىلدەرىنىڭ دە نارازىلىعىنا ۇشىرادى. ايتا كەتەيىك, وسى سەيسەنبى كۇنى اۆستراليا, اقش, بريتانيا, جاپونيانىڭ ۆاليۋتا ساياساتىندا ماڭىزدى شەشىمدەر قابىلدانادى دەپ كۇتىلۋدە. ناقتىراق ايتار بولساق, جاپون ورتالىق بانكى سەيسەنبى كۇنى, ال اقش فەدەرالدى قورى سارسەنبى كۇنى جيىن وتكىزبەك.