ءبىرىنشى جارتىلاي ورتا سالماقتا ايقاساتىن قازاقستاندىق باتىر جۇكەمباەۆ ءوز سالماق دارەجەسىندەگى ۇزدىك 100 بوكسشىنىڭ قاتارىنا كىردى. بۇل تۋرالى vesti.kz حابارلادى.
كەشە 25 جاستاعى جۇكەمباەۆ كانادانىڭ كۆەبەك قالاسىندا ستيۆەن باتلەر مەن برەندون كۋكتىڭ اندەركارتىندا مەكسيكالىق داۆيد رانحەلمەن جۇدىرىقتاستى. 8 راۋندتىق جەكپە-جەكتىڭ بار-جوعى 2-مينۋتىندا-اق قارسىلاسىن سۇلاتىپ ءتۇسىردى.
وسى جەڭىسىنەن كەيىن قازاقستاندىق بىلعارى قولعاپ شەبەرى BoxRec رەيتينگىندە 26 ورىنعا كوتەرىلىپ, 91-ورىنعا ورنالاستى.
جۇكەمباەۆ وسىمەن 8 جەكپە-جەگىنىڭ جەتەۋىن ۋاقىتىنان بۇرىن اياقتاپ وتىر.
سونىمەن قاتار, ءدال وسى كەشتە تاعى ءبىر قازاقستاندىق بوكسشى ابىلايحان قۇسايىنوۆ تا شارشى الاڭعا شىقتى. جەڭىل سالماقتا مەكسيكالىق وسكار مەحيانى 6-راۋندتا تەحنيكالىق نوكاۋتپەن جەڭدى.
جاڭارتىلعان رەيتينگتە ول 128-ورىنعا كوتەرىلىپ, 323-ورىنعا تۇراقتادى. بۇگىنگە دەيىن 5 كەزدەسۋ وتكىزىپ, تورتەۋىن ۋاقىتىنان بۇرىن اياقتاعان.
