قازاقستان-ۆەنگريا تۋريزم سالاسىنداعى ىنتىماقتاستىقتى دامىتۋدا

الماتى اكىمى باۋىرجان بايبەك ۆەنگريا سىرتقى ىستەر مەن سىرتقى ساۋدا مينيسترلىگىنىڭ مەملەكەتتىك حاتشىسى, مەملەكەتتىك قاۋىپسىزدىك حاتشىسى يشتۆان ميكولامەن كەزدەستى, دەپ حابارلادى الماتى اكىمىنىڭ ءباسپاسوز قىزمەتى. تاراپتار ساۋدا-ەكونوميكالىق جانە مادەني-گۋمانيتارلىق بايلانىستى نىعايتۋ ماسەلەلەرىن تالقىلادى. كەزدەسۋ بارىسىندا مەگاپوليس اكىمى ەكىجاقتى بايلانىستىڭ بەلسەندى ديناميكاسىن اتاپ ءوتتى: 2016 جىلدىڭ 11 ايى ىشىندە الماتى قالاسى مەن ۆەنگريا اراسىنداعى تاۋار اينالىمى 2015 جىلدىڭ وسى كەزەڭىمەن سالىستىرعاندا 27% -عا ارتىپ, 55,7 ملن. اقش دوللارىن قۇراعان اتاپ ءوتتى. ۆەنگريانىڭ سىرتقى ىستەر مەن سىرتقى ساۋدا مينيسترلىگىنىڭ مەملەكەتتىك حاتشىسى ءوزىنىڭ سوزىندە تۋريزم سالاسىندا ەكى جاققا دا پايدالى ۇلكەن پوتەنتسيالدىڭ بار ەكەنىن ءسوز ەتتى. الماتىدا تۋريستەر لەگىنىڭ ارتۋىنا بيىلعى جىلدىڭ 1 قاڭتارىنان باستاپ 56 ەلدىڭ وكىلىنە قازاقستاندا 30 كۇن بويىنا ۆيزاسىز ءجۇرۋ كەستەسىنىڭ ەنگىزىلگەنى وڭ ىقپال ەتەتىنى بەلگىلى, بۇل رەجيمنىڭ ۆەنگريا ازاماتتارىنا دا قاتىستى ەكەندىگى ايتىلدى. «2017 جىلعى ۋنيۆەرسيادانى وتكىزۋ - الماتى عانا ەمەس, بارشا قازاقستان ءۇشىن ۇلكەن جەتىستىك. ۆەنگريا قۇراماسى مىقتى, اسىرەسە كونكيمەن جۇگىرۋ سپورتىندا, ءبىز جوعارى پروبالى مەدالدار الۋعا ۇمىتتەنەمىز», -دەدى يشتۆان ميكولا. ول الماتىداعى ۋنيۆەرسيادا نىساندارى ءتۋريزمدى ودان ءارى ارتتىرۋعا اسەر ەتەتىنىن دە اتاپ ءوتتى. ۆەنگريادا ءىرى سپورت نىساندارى جەتكىلىكتى ءارى ولار ءتيىمدى پايدالانىلۋدا دەدى. ايتىلعان سىندارعا قاراماستان, بۇل ينۆەستيتسيالار اۋقىمدى مۋلتيپليكاتيۆتى تيىمدىلىككە جەتەلەيتىندىگىن ايتتى.