پروكۋراتۋرا قىزمەتىنە جاڭا تەحنولوگيالار ەنگىزىلەدى

باس پروكۋرور جاقىپ اسانوۆتىڭ توراعالىعىمەن باس پروكۋراتۋرا القاسىنىڭ وتىرىسى ءوتتى. وتكەن جىلعى جۇمىستاردىڭ قورىتىندىسى ەكشەلىپ, الداعى جىلدىڭ جوسپارىن ناقتىلاعان كەڭەستە تۇرعىنداردىڭ قۇقىقتىق سەنىمىن اقتاۋ جونىندە جانە باسقا دا جۇمىستىڭ تاسىلدەرىن تۇبەگەيلى وزگەرتۋ قاجەتتىلىگى ءسوز بولدى.   باس پروكۋروردىڭ ايتقا­نىن­داي, بيىل پروكۋراتۋرا ور­گان­دارى ءۇش نەگىزگى مىندەتكە – مامان ماسە­لە­سىنە, جاڭا تەحنو­لو­گيالارعا جانە قىلمىستىق پروتسەسكە باسا كوڭىل بولەتىن بولادى. وتكەن جىل­­دىڭ ماۋسىم ايىندا «پرو­كۋ­را­تۋ­راعا – ۇزدىك ماماندار» جو­با­­­سىنىڭ تۇساۋى كەسىلگەن بولاتىن.­ سودان بەرى جوبا بويىنشا 2000 كانديداتتىڭ ىشىنەن, ەڭ ءۇز­دىك 128 مامان جۇمىسقا ىرىك­تەل­دى.  «بۇلار – ءبىزدىڭ العاشقى قار­­لىعاشتارىمىز. ءبىزدىڭ اشىق­ت­ى­­عىمىزعا سەنگەن ولاردىڭ كوز­د­ە­­رىندە وتى بار جاستار جانە كو­­­ڭىلىمىزدەن شىقتى. ارينە, ەڭ ال­­­دىمەن ولاردىڭ ومىرگە دەگەن كوز­قاراسىن, الەۋمەتتىك بەل­سەن­دى­­لىگىن, بىلىمگە دەگەن قۇش­تار­لى­عىن, وتانسۇيگىشتىك, باسقا دا قا­سيەتتەرىن باعالادىق. ەندى جا­ڭا HR تەحنولوگيالاردى ەنگىزۋ قا­­جەت. ولاردىڭ جۇمىسقا دەگەن قى­زى­عۋ­شىلىعىن ارتتىرىپ, جىگەر بەرىپ, جا­ق­سى مامان بولارىنا سەنىممەن قا­رايمىز», دەدى باس پروكۋرور ءوز سوزىندە. سونىمەن قاتار, وتىرىستا قو­عام­نىڭ ەڭ قيىن ءارى وزەكتى ءما­سە­لەسىنىڭ ءبىرى – قىلمىستىق احۋال­دى جەتىلدىرۋ جايى ايتىلدى. باس پروكۋرور قىلمىستىق پروتسەسس مەملەكەتتىك ورگانداردىڭ مەن­مەندىگىنە ەمەس, قاراپايىم حا­لىقتىڭ مۇددەسىنە ساي رەت­تە­لۋى كەرەكتىگىن باسا ايتتى. بۇل ءما­سەلە بويىنشا باس پرو­كۋ­را­تۋرانىڭ باستاماسىمەن قۇ­رىل­عان «قوسشىداعى ديسكۋسسيا» اتتى فورۋم بارىسىندا ارنايى شا­قىرىلعان عالىمدار مەن وسى سا­لا ماماندارى جۇمىس ىستەۋدە. قۇ­زىرلى ورگانداعى قىلمىستىق پرو­­تسەس­تى جەڭىلدەتۋ جانە جەدەل­دەتۋ ءۇشىن ەلەكتروندى فور­ماتقا اۋىسۋ­دى قامتاماسىز ەتۋ كوزدەلۋدە. «قىلمىسكەردى ۇستادىق. كى­نا­سىن مويىندادى. كۋاگەرلەر بار. سو­عان قاراماستان ول 15 كۇن تەر­گە­لە­دى, ودان سوڭ 3 كۇن پروكۋرور ءىستى زەرتتەيدى, سوتقا تاعى 20 كۇن قاجەت. وسىنىڭ ءبا­رىنە 40 كۇن ۋاقىت كەتەدى ەكەن. ال وسى ارالىقتا جابىرلەنۋشى, كۇ­دىكتى, كۋاگەر ءبارى دە قانشاما ەسىك توزدىرادى. قايتا-قايتا تەر­گەۋ, دالىزدە ساعاتتاپ كۇتۋ – وسى­نىڭ ءبارى ادامداردىڭ جۇيكەسىن جۇ­قارتادى», – دەدى باس پروكۋرور ج.اسانوۆ. ونىڭ ايتۋىنشا, ءوندىرىستى ەلەك­­تروندى فورماتقا كوشىرۋ – پروكۋراتۋرانىڭ اشىقتىعىن ءبىلدىرىپ, قۇجاتتاردى بەرۋ مەن الۋ مەرزىمىن قىسقارتادى, پوش­تا­لىق شىعىندار مەن قاعاز تاسۋدى ازايتادى. ال اتالعان ىسكە قاتىسى بار ماماندار بولسا, قىلمىستىق ىستەردىڭ ەلەكتروندى تۇردە ءجۇر­گى­زىلۋى مەن تەرگەلۋىن ون­لاين رە­جىم­دە باقىلاي الادى. سونداي-اق, ج.اسانوۆ پرو­كۋ­را­تۋرا ورگاندارىنداعى جۇمىس ءتا­سىل­دەرىنىڭ وزگەرۋى, جاڭا زامانعا ساي مەنەدج­مەنت جۇيەسىن ەنگىزۋ ار­قىلى حالىقتىڭ كوڭىلىن كۇپتى ەتىپ جۇرگەن ماسەلەلەردى شەشۋدى دە اتاپ ءوتتى. وسى ماقساتقا جەتۋ ءۇشىن پروكۋرورلار قاجەتسىز جۇ­مىستاردان قۇتىلىپ جاتىر. سو­نى­مەن قاتار, باسىمدىعى بار جو­بالار پورتفەلى قۇرىلادى دەپ جوس­پارلانۋدا. ولار قوعامداعى وزەكتى ماسەلەلەردىڭ وڭ شە­شىلۋىنە سەپتىگىن تيگىزبەك. «نەدەن باس تارتتىق, نەدەن قۇ­تىلۋىمىز كەرەك» دەپ ءسوز باس­تاعان باس پروكۋروردىڭ ءبى­رىن­شى ورىنباسارى يوگان مەركەل پرو­كۋراتۋرانىڭ بارلىق سالاسىن­دا ارتىق قۇجات اينالىمدارى مەن ستاتيستيكالىق ەسەپتەن قۇ­تىل­عاندارىن جەتكىزدى. القا وتى­رىسىندا ءار سالا بويىن­شا ماڭىزدى جوبالاردىڭ بارى­سى تۋرالى باس پروكۋروردىڭ ورىن­باسارلارى اندرەي كراۆچەنكو مەن مارات احمەتجانوۆ تا ءسوز ءسوي­­لەدى. ال باس پروكۋروردىڭ ورىن­­باسارى ەرلىك كەنەنباەۆ بولسا, قىلمىستىق جاعدايداعى ازا­ماتتاردىڭ كونستيتۋتسيالىق قۇ­قىقتارىنىڭ قورعالۋى جايىندا بايانداپ بەردى. نۇرلىبەك دوسىباي, «ەگەمەن قازاقستان»