ساۋدا ۇزدىگى – سەمەيدە

سەمەيلىكتەردى مىنە, قاتا­رىنان ءۇش جىل بويى 905 قۇرىلىس اۋدانىنداعى «ەلجان» ساۋدا دۇكەنى ەرەكشە قۋانتىپ كەلەدى. بۇل جەردە كۇندەلىكتى تۇرمىستىق قاجەتتىلىككە دايى­ن دۇنيەلەر ساتىلۋمەن قاتار, اۋىل شارۋاشىلىعىنىڭ دا ءونىم­دەرى حالىققا ءتيىمدى باعادا ۇسىنىلعان. ءتىپتى, وسى جەردە «بارلىعى دا راحمەت ءۇشىن!» دەپ اتالاتىن ساۋدا نۇكتەسى بار. تۇرعىندار بۇل جەردەن العىس ايتىپ, جاعدايى جوقتارى تەگىن كيىم-كەشەكتەر الۋدا. الەۋمەتتىك جوبا از قامتىلعان وتباسىلار مەن كوپ بالالى وتباسىلارعا ارنالىپ وتىر. ءبارىن ايت تا, ءبىرىن ايت, «ەلجان» ساۋدا ءۇيىنىڭ ديرەكتورى ەرلان جاقىپقا بۇگىندە ەل ريزا. ونىڭ دۇكەنىندەگى ەلۋ كاسىپكەر تۇتىنۋشىلارمەن دەلدالدارسىز تىكەلەي جۇمىس ىستەيدى. ءتىپتى, ساۋدالاناتىن ءونىمدى ساق­­تاۋعا, ياعني ساپا جاعىنا دا ەرەك­شە ءمان بەرىلىپ وتىر. ەت ءجا­نە ءسۇت, كارتوپ-كوكونىس ءونىم­دەرى ءۇشىن ءۇش توننالىق مۇز­دات­قىش كامەرا جۇمىس ىستەيدى. وسىلايشا, قاراپايىم حالىق­تىڭ كوڭىلىنەن شىعا بىلگەن كاسىپ­كەر ەرلان جاقىپوۆ ۇلتتىق ەكونوميكا مينيسترلىگى جانە ساۋ­دا-ونەركاسىپ پالاتاسىنىڭ ۇيىم­داستىرۋىمەن وتكەن «ساۋدا ءۇز­دىگى» كونكۋرسىندا جەڭىسكە جەتتى. – كاسىپكەرلىكتى قولداپ وتىر­عان ۇكىمەتكە, مەملەكەتىمىزگە راحمەت, – دەدى ەرلان جاقىپ. – ساۋدا ءۇيى ءارى قاراي دا اياسىن كەڭەيتىپ, جاڭا جوبالاردى قولعا الماقپىز. وسىنىڭ ءبارى ەل يگىلىگى ءۇشىن. بۇل جەردە تىگىن تسەحى, بيليارد ويىن الاڭى بار. اۋىلدان قالاعا كەلۋشىلەرگە بارلىق جاع­داي جاسالعان. جانىندا – اسحانا مەن شاشتاراز. وسىلاردىڭ بارلىعىن ەسكەرە كەلە, «ۇزدىك ساۋ­دا ءۇيى» نو­ميناتسياسىندا ءبىرىنشى ورىندى ۇيىمداستىرۋشىلار بىزگە بەردى. ءبىزدىڭ ۇجىمىنىڭ ەڭبەگى جوعارى باعالاندى. راۋشان نۇعمانبەكوۆا, جۋرناليست  سەمەي