ۇلتتىق بانك وتكەن جىلدىڭ ينفلياتسيا دەڭگەيىن جاريالادى

قر ۇلتتىق بانكىنىڭ توراعاسى دانيار اقىشەۆ 2016 جىلدىڭ قورىتىندىسىندا جىلدىق ينفلياتسيا 8,5 پايىزدىق دەڭگەيدە قالىپتاسقانىن جاريا ەتتى. ول بۇل جايىندا بۇگىن قر ۇلتتىق بانكى جانىنداعى اقشا-نەسيە ساياساتى جونىندەگى تەحنيكالىق كوميتەتتىڭ قورىتىندى وتىرىسىندا مالىمدەدى, دەپ حابارلايدى قازاقپارات. قر ۇب باسشىسىنىڭ ايتۋىنشا, جاز ايلارىندا ينفلياتسيا 17 پايىزدان جوعارى دەڭگەيدە بولدى. ال نەبارى 4 ايدىڭ ىشىندە ونىڭ 2 ەسەگە تومەندەۋى ۇلتتىق بانك جۇرگىزىپ وتىرعان ساياساتتىڭ دۇرىس ەكەندىگىنىڭ كورسەتكىشى سانالادى. اقىشەۆتىڭ اتاپ وتۋىنشە, وزگە ورتالىق بانكتەرگە ينفلياتسيانى مۇنداي ايتارلىقتاي تومەندەتۋ ءۇشىن ۇزاق ۋاقىت قاجەت بولار ەدى. سالىستىرۋ ءۇشىن رەسەي ەركىن باعام رەجىمىنە كوشكەننەن كەيىن ينفلياتسيا دەڭگەيىن 10 ايدىڭ (2015 جىلدىڭ ناۋرىزى – 2016 جىلدىڭ قاڭتارى) ىشىندە 16,9 پايىزعا دەيىن عانا تومەندەتە الدى. ازەربايجاندا 2015 جىلدىڭ جەلتوقسانىنداعى دەۆالۆاتسيادان كەيىن ينفلياتسيا بىرجاقتى مانگە دەيىن تومەندەگەن جوق. ال سوڭعى ايلاردا ءوسىم (2016 جىلدىڭ جەلتوقسانىندا 15,7 پايىز) كورسەتىپ وتىر. ايتا كەتەيىك, بيىل قازاقستانداعى ينفلياتسيانىڭ ماقساتتى ءدالىزى 6-8 پايىز دەڭگەيىندە بەلگىلەنگەن. قر ۇلتتىق بانكى باعالاۋىندا تاياۋ 1-2 ايدىڭ ىشىندە ينفلياتسيا اتالعان ءدالىز شەگىندە بولادى جانە 2017 جىل بويى ەكونوميكاعا توسىن كەرى اسەر بولماعان جاعدايدا ساقتالادى.