The Guardian: كابانانگا «استانادان» كەتۋى مۇمكىن

The Guardian باسىلىمىنىڭ حابارلاۋىنشا «استانا» فۋتبول كلۋبىنىڭ شابۋىلشىسى جۋنيور كابانانگا افريكا ۇلتتار كۋبوگىنان كەيىن ەۋروپالىق كلۋبتاردىڭ بىرىنە اۋىسۋى مۇمكىن. بۇل تۋرالى vesti.kz حابارلادى. ءتۋرنيردىڭ توپتىق كەزەڭىندە كابانانگا ءۇش گول سوعىپ, ازىرشە جەكە-دارا ءتۋرنيردىڭ سۇرمەرگەندەر تىزىمىندە كوش باستاپ تۇر. «افريكا ۇلتتار كۋبوگىندا جاقسى ويناعان فۋتبولشىلاردى ساتىپ الۋ ۇنەمى ءساتتى بولا بەرمەيدى. بىراق كونگونىڭ بۇل تۋرنير بارىسىنداعى ويىنىنان كەيىن فۋتبولشىلارىنا سكاۋتتار تاراپىنان قىزىعۋشىلىقتىڭ بولارى انىق. بۇل تۋرنيردە «فۋلحەم» ويىنشىسى نەسسكەنس كەبانودان بولەك, جۋنيور كابانانگا دا كەرەمەت ونەرىمەن كوزگە ءتۇسىپ جاتىر. ەگەر جاقسى ۇسىنىس ءتۇسىپ جاتسا, «استانا» ونى ساتۋى ابدەن مۇمكىن. سەبەبى, ونىڭ كەلىسىمشارتى جازعا دەيىن عانا. بۇل مەرزىم اياقتالعاننان كەيىن باسقا كومانداعا تەگىن اۋىسىپ كەتەدى», – دەپ جازادى The Guardian. ايتا كەتەيىك, كاباناگا ءتۋرنيردىڭ توپتىق كەزەڭدەگى تاڭداۋلى قۇراماسىنا ەنگەن ەدى. ال ونىڭ قۇراماسى 29 قاڭتاردا شيرەك فينالدا گانا قۇراسىمەن كەزدەسەدى. 27 جاستاعى جۋنيور كابانانگا «استانا» ساپىندا 2015 جىلدان بەرى ويناپ كەلەدى. وسى ۋاقىتتا دەيىن ول ەل بىرىنشىلىگىندە 26 كەزدەسۋگە قاتىسىپ, 13 گولدىڭ جانە 10 ناتيجەلى پاستىڭ اۆتورى اتانعان.