قاسىم-جومارت توقاەۆ: اتا زاڭعا وزگەرىستەر ەلدى وركەندەتۋدە ماڭىزدى بەتبۇرىس بولاتىنى انىق

قۇرمەتتى دەپۋتاتتار! وزدەرىڭىزگە ءمالىم, كەشە ەلباسى نۇرسۇلتان ءابىش ۇلى نازارباەۆ پرەزيدەنت, ۇكىمەت جانە پارلامەنت اراسىندا وكىلەتتىكتەردى قايتا ءبولۋ ماقساتىندا كونستيتۋتسياعا وزگەرىستەر ەنگىزۋ ماسەلەلەرى بويىن- شا قازاقستان ازاماتتارىنا ارنايى ۇندەۋىن جاريالادى. پرەزيدەنت ءوزىنىڭ بىرقاتار وكىلەتتىكتەرىن بيلىكتىڭ اتقارۋشى جانە زاڭ شىعارۋشى تارماقتارىنا بەرۋ باستاماسىن كوتەردى. قىزمەت اتقارىپ جۇرگەن مەملەكەت باسشىسى قۇزىرەتىن بيلىكتىڭ تارماقتارىنا ءوز ەركىمەن بەرۋى – دۇنيە جۇزىندەگى ساياسي ومىردە وتە سيرەك كەزدەسەتىن قۇبىلىس. كونستيتۋتسياعا ەنگىزىلۋى كوزدەلىپ وتىرعان بۇل وزگەرىستەر قازاقستانداعى دەموكراتيالىق ۇدەرىستەردى جەتىلدىرۋ جولىندا, جالپى مەملەكەتىمىزدىڭ دامۋىندا ماڭىزدى بەتبۇرىس بولاتىنى انىق. ءبىزدىڭ ساياسي جۇيەمىز «مىقتى پرەزيدەنت, بەدەلدى پارلامەنت, ەسەپتى ۇكىمەت» تۇجىرىمداماسىنا نەگىزدەلەتىن بولادى. سەنات دەپۋتاتتارى ءبىزدىڭ پرەزيدەنتىمىزدىڭ ۇندەۋىن بەلسەندى تۇردە حالىق اراسىندا كەڭ اۋقىمدا ناسيحاتتايدى دەپ سەنەمىن. قاسىم-جومارت توقاەۆ, پارلامەنت سەناتىنىڭ توراعاسى