اۋىر سومكەنىڭ مەكتەپ وقۋشىسىنا قانشالىقتى زيانى بار؟

يرلانديانىڭ ۇلتتىق اتا-انالار كەڭەسىندە (National Parents Council Primary) اۋىر سومكە وقۋشىنىڭ ومىرتقاسىنا زيانى بارىن تالقىلادى. وسىعان بايلانىستى بىرىڭعاي سالماقتاعى سومكەلەردى ەنگىزۋ ۇسىنىلدى. بۇل تۋرالى life.ru حابارلادى. جيىندا اسىرەسە, باستاۋىش سىنىپ وقۋشىلارىنىڭ اتا-انالارى ونىڭ تىم اۋىرلىعىنا شاعىمدانعان. شامامەن 3000 ادامنىڭ ۇشتەن ءبىر بولىگى وسىنىڭ سالدارىنان بالانىڭ ساباعىنا ارەڭ باراتىنىن مالىمدەدى. سونىمەن قاتار, ساۋالناما قورىتىندىسىندا ءاربىر بەس قاتىسۋشىنىڭ تورتەۋى دەنساۋلىققا زيانى تيمەس ءۇشىن ونى قالاي كوتەرىپ, قالاي قوزعالۋ كەرەكتىگى جونىندە نۇسقاما جاسالعانىن قالايتىندىعى بەلگىلى بولدى. اتا-انالاردىڭ شاعىمىن قاناعاتتاندىرۋ ءۇشىن NPC تومەنگى سىنىپ وقۋشىلارىنا سالماعى بىردەي ريۋكزاك ەنگىزۋدى ۇسىندى. بۇل ەۋروپانىڭ بىرقاتار ەلدەرىندە, سونداي-اق اقش پەن اۆستراليادا قولدانىسقا ەنگىزىلگەن. «بۇل ءادىس ارتىق سالماعى بار وقۋشىلار ءۇشىن ەش پايداسى جوق. ال سۇيەك پەن بۇلشىق ەتتىڭ اۋىرعانى سومكەنىڭ نەمەسە تاعى ءبىر زاتتىڭ اۋىرتپالىعىنا بايلانىستى ەمەس ەكەندىگى بىرنەشە رەت دالەلدەنگەن», – دەدى فيزيوتەراپيا كافەدراسىنىڭ دوتسەنتى سارا دوكەل.