قازاقستانعا ساپاسىز ونىمدەردىڭ 52%-ى رەسەيدەن كەلەدى

ساپا ستاندارتتارىنا سايكەس كەلمەيتىن تاماق ونىمدەرىنىڭ 86%-ى يمپورتتىق ونىمدەر, دەپ حابارلايدى تۇتىنۋشىلاردىڭ قۇقىقتارىن قورعاۋ كوميتەتى. وتاندىق وندىرۋشىلەردىڭ ونىمدەرىنىڭ تالاپتارعا سايكەس كەلمەيتىنى 14% قۇرادى. قاۋىپتى جانە ساپاسىز ازىق ۇلەسىنىڭ نەگىزگى سەگمەنتى يمپورتتىق وندىرۋشىلەرگە, سونىڭ ىشىندە رەسەي فەدەراتسياسى – 52%, بۇدان ءارى قازاقستان رەسپۋبليكاسى - 23%, قىرعىزستان - 4%, بەلارۋس رەسپۋبليكاسى – 3%, ۋكراينا – 2,5%, قىتاي, تۇركيا, لاتۆيا, اقش, تۇركيا, مولدوۆا, گرۋزيا, فرانتسيا, وزبەكستان جانە جانە باسقا دا ەلدەر- 1% - عا دەيىن تيەسىلى. وندىرۋشىلەردىڭ تاڭبالاۋ ەرەجەسىن بۇزۋ 74%, ءونىمنىڭ قاۋىپسىزدىك تالاپتارىنا سايكەس كەلمەۋى - 21%, سونداي-اق مالىمدەلگەن قاسيەتتەرى سايكەس كەلمەۋى (تۇتىنۋشىلاردى الداۋ) - 14% انىقتالدى. سونداي-اق, ەرەكشە ءتارتىپ بويىنشا تەكسەرۋ جۇرگىزۋ بارىسىندا, سايكەس ەمەس ونىمدەر تىزىلىمىندە بۇرىن ورنالاستىرىلعان, ءسۇت مايىن الماستىرعىش پايدالانىپ, بۇرمالانعان ءونىم شىعارعان ءسۇت جانە ماي-توڭ ماي سالاسىنداعى 38 وتاندىق كاسىپورىندار ايقىندالدى. زەرتتەلىنگەن 11 مىڭنان استام تاعامدىق ەمەس ونىمدەر ۇلگىلەرىنىڭ سايكەس كەلمەيتىن ءونىمنىڭ ۇلەسى: پوليمەرلىك جانە سينتەتيكالىق ماتەريالدار - 72,1%, اككۋمۋلياتورلىق باتارەيالار - 49%, انتيگولولەدتىق رەاگەنتتەر – 47,2%, بالالارعا ارنالعان ويىندار مەن ويىنشىقتار - 40%, جەڭىل ونەركاسىپ ونىمدەرى - 39,7%, بالالار مەن جاسوسپىرىمدەر ءۇشىن تاۋارلار – 31,3%, جيھاز ونىمدەرى – 29,4 %, انتيفريزدەر - 29%, تاماق ونىمدەرىمەن جاناساتىن ماتەريالدار مەن بۇيىمدار - 26,3%, حيميالىق جانە مۇناي-حيميا ونىمدەرى – 19,3%, تەمەكى ونىمدەرى – 15,7%, بەنزين -25,2%, باسپا ونىمدەرى - 8,7%, پارفيۋمەرلىك-كوسمەتيكالىق ونىمدەر - 8,1% , تۇرمىستىق حيميا تاۋارلارى – 5,5%, قۇرىلىس ماتەريالدارى – 3,6%, جەكە قورعانۋ قۇرالدارى – 3,3%  جانە ت.ب. بولادى. الماتى مەن استانا قالالارى جانە وبلىستاردا ونىمدەردى قابىلداۋ جانە اينالىم ەرەجەلەرىن بۇزاتىنداردىڭ ىشىندەگى كوشباسشى بولىپ وتىرعان ءىرى ساۋدا كاسىپورىندارى مىنالار: جشس «رامستور قازاقستان», جشس «انۆار», جشس«Magnum», جشس «مەترو كەش ەند كەرري», جشس«تاماشا ماركەت» جانە ت. ب. انىقتالعان فاكتىلەر بويىنشا 1673 جوسپاردان تىس تەكسەرۋلەر وتكىزىلدى, ونىڭ ىشىندە 3-ءشى تۇلعالارعا قاتىستى - 125, بۇزۋشىلىقتاردى جويۋ تۋرالى 1791 ۇيعارىمدار بەرىلدى, 826 اكىمشىلىك قۇقىق بۇزۋشىلىقتار تۋرالى ىستەر قوزعالدى, 415 سوت قاۋلىلارى شىعارىلدى, جالپى سوماسى 78,9 ملن. تەڭگە ايىپپۇل سالىندى. سايكەس كەلمەيتىن ونىمدەردىڭ 8,4 ملن. تەڭگە سوماسىنداعى 25 توننادان استامى ساتىلىمنان الىندى, ونىڭ ىشىندە 17,5 توننا قاۋىپتى تاماق ونىمدەرى, بالالار ويىنشىقتارى – 88,9 كگ, ونىڭ ىشىندە بالالار ونىمدەرى - 427 كگ, سينتەتيكالىق جۋ قۇرالدارى - 2 توننا جانە ت. ب. كامەرالدىق باقىلاۋدى وتكىزۋ كەزىندە 32 سەق قاتىسۋشىسى انىقتالدى, 2016 جىلى سايكەستىگىن راستاۋ پروتسەدۋراسىنان وتپەگەن 43 416 پارتيا ونىمدەرى اكەلىندى. 16 اكىمشىلىك قۇقىق بۇزۋشىلىقتار تۋرالى ىستەر قوزعالدى, 3 762 200 تەڭگە سوماسىندا ايىپپۇل سالىندى. 17 سوت قاۋلىلارى شىعارىلدى. كوميتەتتىڭ جىل بويى جۇرگىزگەن جۇمىس ناتيجەسى بولىپ ەلىمىزدىڭ تۇتىنۋ نارىعىنداعى سايكەس كەلمەيتىن ونىمدەردىڭ جالپى سانىنىڭ 2015 جىلعىى 26 % - دان 2016 جىلعى 14,4% -عا تومەندەۋى, تۇتىنۋشىلىق ساۋاتتىلىق دەڭگەيىنىڭ ارتۋى تابىلادى.