قازاقستان نارىعىنداعى تاۋارلاردىڭ 14%-ى ساپاسىز جانە قاۋىپتى

ەڭ كوپ تارالعان بۇزۋشىلىقتار (65% استام) تاڭبالاۋ بويىنشا كەمشىلىكتەر جانە تۇتىنۋشىلار ءۇشىن دۇرىس ەمەس اقپارات بەرۋ بولىپ تابىلادى, دەپ جازادى تۇتىنۋشىلاردىڭ قۇقىقتارىن قورعاۋ كوميتەتى. تۇتىنۋشىلاردىڭ قۇقىقتارىن قورعاۋ كوميتەتى توراعاسىنىڭ ورىنباسارى نۇرقان ولجاباي ۇلى سادۋاقاسوۆ ەلدىڭ ىشكى نارىق اينالىمىنداعى ونىمدەردىڭ ساپاسى مەن قاۋىپسىزدىگى جاعدايى, انىقتالعان بۇرمالانعان قاۋىپتى ونىمدەر سانى جانە جۇرگىزىلگەن شارالار تۋرالى اڭگىمەلەپ بەردى. اتاپ ايتىلعانداي, 2016 جىلى كوميتەت 40796 ءونىم سىنامالارىن زەرتتەدى, ونىڭ ىشىندە تەحنيكالىق رەگلامەنتتەردىڭ تالاپتارىنا سايكەس ەمەس  5872 سىنامالار انىقتالدى نەمەسە 14,4% قۇرايدى. سايكەس ەمەس ونىمدەردىڭ نەگىزگى بولىگى تاماق ونىمدەرىنە جاتادى, ياعني 29164 زەرتتەلگەن ۇلگىلەردىڭ 3563 نەمەسە 12,0%, ونىڭ ىشىندە 853 ءسۇت سىنامالارى (8049), 76 ماي-توڭماي ونىمدەرى (1801). ەڭ كوپ تارالعان بۇزۋشىلىقتار (65% استام) تاڭبالاۋ بويىنشا كەمشىلىكتەر جانە تۇتىنۋشىلار ءۇشىن دۇرىس ەمەس اقپارات بەرۋ بولىپ تابىلادى. ەكىنشى ورىندا قاۋىپسىزدىك كورسەتكىشتەرى بويىنشا تالاپتاردى بۇزۋ (باكتەريا توبىنىڭ ىشەك تاياقشاسى, باكتەريالىق زارارلانۋدىڭ جالپى كورسەتكىشتەرى, كوگەرۋ بولۋى) 21,0%, بۇدان ءارى, تۇتىنۋشىلاردى الداۋ فاكتىلەرى, ولاردى جاڭىلىستىرۋ (بۇرمالانعان ءونىم بولۋى) 14,0% بولدى. سايكەس كەلمەيتىن ونىمدەر انىقتالعان بارلىق فاكتىلەر بويىنشا كوميتەت وندىرۋشىلەرگە حابارلاما, «اتامەكەن» قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنا, سونداي-اق ەۋرازيالىق ەكونوميكالىق وداققا مۇشە مەملەكەتتەردىڭ ۋاكىلەتتى ورگاندارىنا قازاقستان تۇتىنۋشىلىق نارىعىنىڭ ءتيىستى دەڭگەيىن قورعاۋدى قامتاماسىز ەتۋ بويىنشا شارالار قابىلداۋ قاجەتتىلىگى تۋرالى اقپارات جىبەرىلىپ  وتىردى. انىقتالعان بۇزۋشىلىق ناتيجەسى بويىنشا 53 شارۋاشىلىق سۋبەكتىلەرىنىڭ  قىزمەتىن توقتاتا وتىرىپ, كىنالى تۇلعالار 78,9 ميلليون تەڭگەدەن استام سوماعا اكىمشىلىك جاۋاپكەرشىلىككە تارتىلدى, اينالىمنان 25 توننا قاۋىپتى, سونىڭ ىشىندە  بۇرمالانعان ونىمدەر الىنىپ تاستالدى. ءوندىرىستىڭ جاساندى ماي-توڭ ماي ونىمدەرىن ءوندىرۋ فاكتىسى بويىنشا  «VKV Company» جشس-نە جانە الماتى قالاسىنىڭ «ايالا پليۋس» جشس-نە قاتىستى اكىمشىلىك ءوندىرىس قوزعالدى, ماتەريالدار الماتى قالاسىنىڭ اكىمشىلىك سوتتار قاراۋىنا بەرىلدى. ماسەلەنىڭ وزەكتىلىگىن, تۇتىنۋ نارىعىنداعى بۇرمالانعان ونىمدەردىڭ بولۋىن ەسكەرە وتىرىپ, كوميتەتتىڭ زەرتحانالىق قىزمەتتى جاڭعىرتۋ بويىنشا, ونىڭ ىشىندە زەرتتەۋدىڭ جاڭا ادىستەرىن ەنگىزۋ بويىنشا جۇمىستار جالعاسۋدا. كوميتەتتىڭ سوڭعى ەكى جىل ىشىندە جۇرگىزىلگەن جۇمىس ناتيجەسى, ەلدىڭ تۇتىنۋ نارىعىندا سايكەس كەلمەيتىن ونىمدەردىڭ جالپى سانىنىڭ تومەندەۋى, بارلىق ءونىمنىڭ 2015 جىلى 26 % – دان 2016 جىلى – 14,4%,   جانە  تاعام ءونىمنىڭ 30% – دان 12% – عا تومەندەۋى بولىپ تابىلادى.