بيىل «جاستار پارلامەنتى» جوباسى ىسكە قوسىلادى

بيىل «نۇر وتان» پارتياسىنىڭ قولداۋىمەن «جاستار پارلامەنتى» ۇكىمەتتىك ەمەس ۇيىمى ىسكە قوسىلادى. بىرەگەي باستاما جالىندى جاستاردىڭ جۇمىس پەن قامتىلۋىن نەگىزگە الىپ, ولاردىڭ ساياسي مادەنيەتىن قالىپتاستىرۋعا باعىتتالادى, دەپ جازادى 24.kz بۇگىن «نۇر وتان» پارتياسىندا باس قوسقان ءماجىلىس دەپۋتاتتارى مەن بلوگەرلەر, جاستار ۇيىمدارىنىڭ كوشباسشىلارى وسى ماسەلە جونىندە تۇيىتكىلدەردىڭ ءتۇيىنىن تارقاتۋعا تىرىستى. شاراپاتى مول شاراعا جينالعاندار جاستاردى جۇمىسپەن قامتۋدىڭ نەگىزگى تەتىكتەرىنە دە باسىمدىق بەردى. رەسمي مالىمەتتەرگە سۇيەنسەك, بۇگىندە رەسپۋبليكا بويىنشا 18-29 جاس ارالىعىنداعى جۇمىسسىزدار سانى 4,9 پايىزدى قۇرايدى ەكەن. ەندىگى مەجە جاستار ساياساتىن جۇيەلى جۇزەگە اسىرىپ, ولاردى «نۇرلى جەر» سىندى مەملەكەتتىك باعدارلامالارعا مەيلىنشە تارتۋ دەيدى وتىرىسقا قاتىسۋشىلار. «ەلىمىزدە قازاقستان رەسپۋبليكاسى ءماجىلىسى جانىنان جاستار پارلامەنتى قۇرىلىپ جاتىر. نەگىزگى باسىمدىلىعى, ارينە, ەلىمىزدەگى زاڭ شىعارۋشى, ياعني زاڭ قابىلداۋ بارىسىنا مەيلىنشە تارتۋ. ياعني تىكەلەي مىنبەردەن سويلەۋگە جوبا ارقىلى كومەك بەرۋدى قامتىپ وتىرمىز. نەگىزگى باسىمدىلىعى – پارلامەنتتىڭ جۇمىسىن اشىق قىلۋ, ونىڭ ىشىندە جاستاردى تارتا وتىرا ەكسپەرتتىك توپ قۇرۋ», - دەيدى «جاستار پارلامەنتىنىڭ» ۇيلەستىرۋشىسى دامير ءجۇنىسوۆ.