اقش-قا جاساعان ساپارىندا ۇلىبريتانيا ۇكىمەت باسشىسى تەرەزا مەي اقش بيلىگىن رەسەيمەن قاتىناستى جاقسارتۋعا شاقىرا وتىرىپ, ءبارىبىر ءپۋتيننىڭ ساياساتىنان ساق بولۋدى ەسكەرتتى, دەپ BBC.
"رەسەيمەن اراداعى قاتىناستا رەيگاننىڭ ساياساتىن ۇلگىگە الۋ كەرەك. ول ميحايل گورباچەۆپەن دوستىق قاتىناستا بولعانىمەن, تولىعىمەن سەنىپ كەتكەن جوق. پۋتينمەن دە بايلانىستى جاقسارتا وتىرىپ, ودان دا اباي بولۋ كەرەك", - دەدى تەرەزا مەي.
سونىمەن قاتار ۇلىبريتانيا باسشىسى اقش- ۇلىبريتانيا بايلانىسىنىڭ ءوز مۇددەلەرىن ساقتاي وتىرىپ, ءبىر كەزدەرى ءساتسىز جاسالعان ينتەرۆەنتسيوناليزم ساياساتىن قايتا قولعا الماۋ كەرەكتىگىن ايتتى.
"بۇدان بىلاي ۇلىبريتانيا مەن اقش وزگە ەلدەردىڭ ىشكى ساياساتىنا ارالاسىپ, دۇنيەنى وزگەرتۋگە دەگەن ارەكەتتەرىن قويۋى كەرەك", - دەدى مەي.
"دەگەنمەن, ماسەلە ءبىزدىڭ مۇددەمىزگە قايشى بولسا, وندا ءتيىستى شارا قابىلدانعانى ءجون", - دەدى پرەمەر.
"ماسەلەن, تاياۋ شىعىستاعى ءيزرايلدىڭ قاۋىپسىزدىگى مەن بالتىق جاعالاۋىنداعى ەستونيانىڭ مۇددەسىن ساقتاۋ ءۇشىن ءبىز ءوز ۇلەسىمىزدى قوسۋىمىز كەرەك", - دەدى.
سونىمەن قاتار ۇلىبريتانيا باسشىسى ەكى ەل اراسىنداعى قاتىناستى قايتا دامىتىپ, الەمدەگى كوشباسشىلىقتى قايتا قولعا الاتىن ۋاقىت كەلگەنىن ايتتى.
