2016 جىلدىڭ ءتورتىنشى ماۋسىمىنداعى تۇتىنۋشىلىق سۇرانىستىڭ جوعارىلىعى بريتانيا ەكونوميكاسىنىڭ وسىمىنە قارقىن قوستى, دەپ جازادى BBC.
ەلدىڭ ۇلتتىق ستاتيستيكالىق باسقارماسىنىڭ مالىمەتىنشە, قازان-جەلتوقسان ارالىعىندا ەكونوميكالىق ءوسىم 0,6 پايىز ءوستى ء(وسىم 0,5 پايىز بولادى دەپ بولجانعان). ونىڭ الدىڭعى ەكى ماۋسىمدا دا كورسەتكىش وسى دەڭگنەيدە بولعان ەدى.
بۇل ءوز كەزەگىندە ەلدىڭ ەۋرووداقتان شىعۋىمەن ەكونوميكاعا زيان كەلمەيتىنىن كورسەتسە كەرەك.
جالپى, 2016 جىلعى ەكونوميكالىق ءوسىم 2 پايىزدى قۇرادى. ال 2015 جىلى بۇل كورسەتكىش 2,2 پايىزدى قۇراعان.
ەكونوميكالىق ءوسىمدى قامتاماسىز ەتكەن سالالار رەتىندە ماماندار الدىمەن ساتۋ, قوناقۇي قىزمەتتەرى مەن مەيرامحانا بيزنەسىن اتايدى.
سونىمەن قاتار كوتەرمە ساۋدا اينالىمى مەن تۋريستىك اگەنتتىكتەر قىزمەتى دە ءوسىم كورسەتكەن.
ال قۇرىلىس سالاسى مەن اۋىل شارۋاشىلىعى سەكتورى تيىسىنشە 0,1 جانە 0,4 پايىز وسكەن. ال ونەركاسىپتىك ءوندىرىس وزگەرىسسىز قالدى.
