«ازىرەت سۇلتان» قورىق-مۇراجايى «سالا كوشباسشىسى» اتاندى

«ازىرەت سۇلتان» مەملەكەتتىك تاريحي-مادەني قورىق-مۇراجايى 2016 جىلدىڭ قورىتىندىسى بويىنشا ۇلتتىق بيزنەس-رەيتينگ باعدارلاماسىنىڭ «ورلەۋ قارقىنى» نوميناتسياسىندا قازاقستان مۋزەيلەرى بويىنشا «سالا كوشباسشىسى» اتاعىنا, «التىن» رەيتينگىسىنە يە بولىپ, حالىقارالىق سەرتيفيكاتپەن جانە ارنايى «التىن قىران» مەدالىمەن ماراپاتتالدى, دەپ حابارلايدى مادەنيەت جانە سپورت مينيسترلىگىنىڭ ءباسپاسوز قىزمەتى. ۇلتتىق بيزنەس-رەيتينگى - قازاقستان, رەسەي, بەلارۋس, ۋكراينا مەملەكەتتەر وداعىنىڭ نەگىزىندەگى رەيتينگىلەۋدىڭ جىل سايىنعى جالپى مەملەكەتتىك تاۋەلسىز باعدارلاماسى. بۇل باعدارلامانىڭ ەڭبەك ماراپاتتارى ءار سالا كاسىپورىندارى مەن مەكەمەلەرىنىڭ قىزمەتىندەگى جوعارى كورسەتكىشتەرى مەن قازاقستان مەملەكەتىنىڭ دامۋىنا قوسقان ۇلەسى ءۇشىن بەرىلەدى. 2016 جىلى «ازىرەت سۇلتان» قورىق مۇراجايىندا بىرقاتار ماڭىزدى شارالار وتكەن بولاتىن. «قوجا احمەت ياساۋي مۇراسى مەن ءىلىمىنىڭ زەرتتەلۋ ماسەلەلەرى» V حالىقارالىق عىلىمي-تاجىربيەلىك كونفەرەنتسيا جانە 22-23 قىركۇيەك ارالىعىندا ءداستۇرلى «ياساۋيتانۋ» حالىقارالىق ءبىلىم بايقاۋى بولىپ ءوتتى. اتاۋلى بۇل ماڭىزدى ءىس-شارالارعا انگليا, تۇركيا, رەسەي, وزبەكستان, قىرعىزستان تاجىكستان ت.ب. شەتەلدەردەن جانە وتاندىق ياساۋيتانۋشى عالىمدار جانە رەسپۋبليكامىزدىڭ تۇكپىر-تۇكپىرىنەن وقۋشىلار قاتىستى.