دەموكراتيالىق كۇشتەردىڭ «قازاقستان-2050» جالپىۇلتتىق كواليتسياسىنىڭ ۇندەۋى

قۇرمەتتى قازاقستاندىقتار! ءبىز, بارلىق الەۋمەتتىك توپتار مەن ءوڭىر­لەردىڭ مۇددەلەرىن ءبىلدى­رەتىن دەمو­كراتيالىق كۇشتەردىڭ «قازاق­ستان-2050» جالپىۇلتتىق كواليتسيا­سىنىڭ مۇشەلەرى, ەلمىزدىڭ جەتەكشى ساياسي پارتيالارىنىڭ, قازاقستان حال­قى اسسامبلەياسىنىڭ, ءىرى قوعامدىق بىرلەس­تىكتەردىڭ, ۇكىمەتتىك ەمەس ۇيىمداردىڭ وكىلدەرى: ەلىمىزدىڭ تۇڭعىش پرەزيدەنتىنىڭ كوشباسشىلىعىن جانە جالپى الەمدەگى مىقتى, تابىستى جانە قۇرمەتتى مەملەكەت رەتىندە تاۋەلسىز قازاقستاندى قۇرۋداعى پرەزيدەنتتىك ينستيتۋتتىڭ تاريحي ماڭىزىن مويىنداي وتىرىپ; ەلباسىمىزدىڭ مەملەكەتتىلىكتى نىعايتۋعا, رەسپۋبليكامىزدى ودان ءارى ساياسي, ەكونوميكالىق جانە الەۋمەتتىك جاڭعىرتۋعا ارنالعان مەملەكەتتىك باعىتىن تولىعىمەن قولداي وتىرىپ; مەملەكەت باسشىسىنىڭ قازىرگى زاماننىڭ جاھاندىق جانە وڭىرلىك قاۋىپ-قاتەرلەرىنە ارەكەت ەتۋ قاجەتتىلىگى تۋرالى ۇستانىمىن قولداي وتىرىپ; قازاقستان پرەزيدەنتى ساياسي جۇيەنى ودان ءارى دەموكراتيالاندىرۋ ءۇشىن مەملەكەتتىك بيلىك تاراپتارى اراسىندا وكىلەتتىكتەردى قايتا ءبولۋ, سونداي-اق «بەس ينستيتۋتتىق رەفورمانى جۇزەگە اسىرۋ بويىنشا 100 ناقتى قادام» ۇلت جوسپارىن ىسكە اسىرۋ جانە ەلىمىزدىڭ الەمدەگى 30 جەتەكشى مەملەكەتتىڭ قاتارىنا كىرۋ بويىنشا «قازاقستان-2050» ستراتەگياسىنىڭ ماقساتتارىنا قول جەتكىزۋ جونىندە ۇسىنىپ وتىرعان رەفورماسىنىڭ ەرەكشە ماڭىزىن ەسكەرە وتىرىپ; زاماناۋي قوعامدىق پروتسەستەردىڭ جىلدامدىعى مەن كۇردەلىلىگىن جانە قازاقستان ازاماتتارى مەن بولاشاق ۇرپاق الدىنداعى ءوزىمىزدىڭ جاۋاپكەرشىلىگىمىزدى تۇسىنە وتىرىپ; قازاقستاننىڭ بارلىق ازاماتتارىن ەلباسىمىزدىڭ مەملەكەتتىك بيلىك تاراپتارى اراسىندا وكىلەتتىكتەردى قايتا ءبولۋ ماسەلەلەرى بويىنشا باستاماسىن تالقىلاۋعا بەلسەندى قاتىسىپ, قولداۋعا شاقىرامىز. ەلباسىمىزدىڭ مەملەكەتتىك باسقا­رۋ­دىڭ ءتيىمدى جانە ۇيلەستىرىلگەن جۇيەسىن قام­تاماسىز ەتۋ بويىنشا ۇسىنىپ وتىر­عان جاڭا رەفورماسى قازاقستاندى ساياسي ترانسفورماتسيالاۋدىڭ ەۆوليۋتسيالىق كەزەڭى جانە قازاقستاندىق مەملەكەتتىلىك پەن دەموكراتيانى دامىتۋ جولىنىڭ قيسىندى جالعاسى بولىپ تابىلادى. ۇكىمەتتىڭ ەكونوميكا سالاسىنداعى اتقارۋشىلىق وكىلەتتىكتەرى مەن دەر­بەستىلىگىن كەڭەيتۋ جانە ونىڭ جاۋاپ­كەر­شىلىگى مەن پارلامەنت الدىنداعى ەسەپ­تىلىگىن كۇشەيتۋ ەلىمىزدىڭ الداعى بىرنەشە جىلعا ساياسي تۇراقتىلىعىن قامتاماسىز ەتۋگە نەگىز جاسايدى. پارلامەنتتىڭ باقىلاۋ فۋنكتسيالارىن كۇشەيتۋ ۇكىمەتتەن اعىمداعى جانە ستراتەگيالىق جۇمىسىنىڭ ساپالى جاڭا دەڭگەيىن, ايقىندىلىعى مەن جوعارى زاڭنامالىق ورگانعا, ياعني قازاقستان حالقىنا ەسەپتىلىگىن ارتتىرۋدى تالاپ ەتەدى. پارلامەنتتىڭ ءرولىن كۇشەيتۋ سايا­سي پروتسەستىڭ بەلسەندى سۋبەكتىلەرى, قوعامدىق پىكىرتالاس پەن دەباتتاردىڭ نەگىزگى ورتالىقتارى, كەڭ الەۋمەتتىك توپتاردىڭ مۇددەلەرىن اتقارۋشى رەتىندە قازاقستاننىڭ بارلىق ساياسي پارتيالارىنىڭ دامۋىنا جاڭا مۇمكىندىك تۋدىرادى. كۇتىلىپ وتىرعان رەفورمالار قازاقستاننىڭ ءاربىر ازاماتىنىڭ قاتىسۋىن تالاپ ەتەدى. حالقىمىزدىڭ رۋحاني بايلىعى, ۇلتىمىزدىڭ ساپاسى, ونىڭ زامان تالاپتارىن قابىلداۋ جانە تەك العا دامۋ قابىلەتتەرى ءبىزدىڭ مەملەكەتىمىزدىڭ جەتىستىگىن ايقىنداۋشى فاكتورى بولعان جانە بولادى دا. دەموكراتيالىق كۇشتەردىڭ «قا­زاقستان-2050» جالپىۇلتتىق كوالي­تسياسىنىڭ مۇشەلەرى قا­زاقستاندىقتاردىڭ بولاشاق ۇر­پاقتارى ءۇشىن بارلىق ازاماتتاردى ەلبا­سىمىزدىڭ باستامالارىن قولداۋعا شاقىرادى. «نۇر وتان» پارتياسى, «اق جول» دەموكراتيالىق پارتياسى, «اۋىل» حالىقتىق-دەموكراتيالىق پارتياسى, قازاقستان كوممۋنيستىك حالىقتىق پارتياسى, «بىرلىك» ساياسي پارتياسى, «قازاقستان كاسىپكەرلەرى فورۋمى» زاڭدى تۇلعالار بىرلەستىگى, «رەسپۋبليكالىق ايەلدەر كەڭەسى» قوعامدىق بىرلەستىگى, «قازاقستان رەسپۋبليكاسى پرەزيدەنتىنىڭ حالىقارالىق «بولاشاق» ستيپەندياسى ستيپەندياتتارىنىڭ قاۋىمداستىعى» قوعامدىق بىرلەستىگى, «قازاقستاننىڭ ازاماتتىق اليانسى» زاڭدى تۇلعالار بىرلەستىگى, «قازاقستان رەسپۋبليكاسى قارۋلى كۇشتەرىنىڭ ارداگەرلەرى» قوعامدىق بىرلەستىگى, «قازاقستان رەسپۋبليكاسىنىڭ ۇلتتىق ينجەنەرلىك اكادەمياسى» رەسپۋبليكالىق قوعامدىق بىرلەستىگى, «قازاقستان رەسپۋبليكاسىنىڭ ۇلتتىق عىلىمدار اكادەمياسى» رەسپۋبليكالىق قوعامدىق بىرلەستىگى, «ارداگەرلەر ۇيىمى» رەسپۋبليكالىق قوعامدىق بىرلەستىگى, «قازاقستاننىڭ كاسىپكەر ايەلدەرى وداعى» قوعامدىق بىرلەستىگى, «قازاقستان رەسپۋبليكاسىنىڭ كاسىپوداقتار فەدەراتسياسى» رەسپۋبليكالىق كاسىپوداقتار بىرلەستىگى, قازاقستان كاسىپكەرلەرىنىڭ «اتامەكەن» ۇلتتىق پالاتاسى, «جا­سىل» ەكونوميكانى قولداۋ جانە G-Global-دى دامىتۋ كواليتسياسى» زاڭدى تۇلعالار بىرلەستىگى, «قازاقستان تۇتىنۋ­شىلارىنىڭ ۇلتتىق ليگاسى» قوعام­دىق بىرلەستىگى, قازاقستاننىڭ ىسكەر ايەلدەر قاۋىمداستىعى» رەسپۋب­ليكالىق قوعامدىق بىرلەستىگى, «قازاق­ستان ارداگەرلەرى» اۋعانستان سوعىسى ارداگەرلەرىنىڭ قاۋىمداستىعى, «قازاق­ستان ۋكرايندارى راداسى» قوعامدىق بىرلەستىگى, «قازاقستاننىڭ داعدارىس ورتالىقتارى وداعى» زاڭدى تۇلعالار بىرلەستىگى, «قازاقستان مۇگەدەكتەرىنىڭ كونفە­دەراتسياسى» رەسپۋب­ليكالىق قوعامدىق بىرلەستىگى, «جاڭارۋ» سىبايلاس جەم­قورلىققا قارسى جالپىۇلتتىق قوزعا­لىسى» رەسپۋبليكالىق قوعام­دىق ءبىر­لەستىگى, «جۇلدىز» بالالار قوعام­دىق ۇيىمدارىنىڭ وداعى» قوعام­دىق بىرلەستىگى. 2017 جىلعى 26 قاڭتار