2,5 ميلليون قازاقستاندىق مەديتسينالىق ساقتاندىرۋسىز قالۋى مۇمكىن

سەناتورلار ءوز بەتىنشە جۇ­مىس­­­­پەن اينالىسۋشىلاردى ءدارى­گەرلىك ساقتاندىرۋ تەتىك­­تەرىنىڭ بولماۋىنا الاڭ­داۋشىلىق ءبىل­دىردى. سەناتتا قازاقستان رەس­پۋب­ليكاسىنىڭ مىندەتتى مەدي­تسينالىق ساقتان­دىرۋ جۇيەسىنە ءازىر­لىك جانە ونى ەنگىزۋ ماسە­لە­لەرى بويىنشا كەزدەسۋ بولدى. سەناتتىڭ الەۋمەتتىك-مادەني دامۋ جانە عىلىم كو­مي­تەتىنىڭ باستا­ماسى­مەن ءوت­­كەن شاراعا پارلا­مەنت دەپۋتات­تارى, دەنساۋلىق ساق­تاۋ مينيستر­لىگىنىڭ, الەۋمەتتىك مەدي­­تسينالىق ساقتاندىرۋ قورى­نىڭ جانە «ازاماتتارعا ارنال­عان ۇكىمەت» مەم­لەكەت­تىك كورپوراتسياسىنىڭ وكىلدەرى قا­تىستى. ال كەزدەسۋدى الەۋ­مەت­تىك-مادەني دامۋ جانە عىلىم كوميتەتىنىڭ توراعاسى ءبىر­­عانىم ءايتىموۆا اشىپ, ءجۇر­­گىزىپ وتىردى. سەناتور ءمىن­دەت­تى مەديتسينالىق ساق­تان­دى­رۋ­دى ەنگىزۋ پرەزي­دەنت ن.ءا.نازار­باەۆتىڭ بەس ينس­تيتۋت­تىق رەفورماسىن ىسكە اسى­رۋ جونىندەگى «100 ناقتى قادام» ۇلت جوس­پارىنداعى جەكە باعىت (80-قادام) رەتىندە قاراس­تى­رىلعانىن اتاپ كورسەتتى. بۇل ۇلگىنىڭ نەگىزگى با­سىم­دىعى مەملەكەتتىڭ, جۇمىس بەرۋشىلەردىڭ جانە ازامات­تاردىڭ ىنتىماقتى جاۋاپ­كەرشىلىگى قاعيداسى نەگىزىندە دەنساۋلىق ساقتاۋ جۇيە­سىنىڭ قارجىلىق تۇراقتى­لىعىنىڭ ساقتالۋىن كۇشەي­تۋ بولىپ تابىلادى. قازىرگى كەزدە بۇل سالاعا قاجەتتى قۇقىقتىق نەگىز قالىپ­تاستى. پارلامەنت «ءمىن­دەتتى الەۋمەتتىك مەدي­تسي­نا­لىق ساقتاندىرۋ تۋرالى» زاڭعا, سونداي-اق بىرقاتار زاڭ­نا­مالىق اكتىلەرگە ءتيىستى تۇزە­تۋلەردى قابىلدادى. تاياۋ ۋاقىت­تا زاڭ شىعارۋ ورگانىنا كەي­بىر زاڭ­نامالىق اكتىلەرگە دەن­ساۋ­لىق ساقتاۋ جانە الەۋمەتتىك-ەڭبەك سالاسىنداعى ماسەلەلەر بويىنشا وزگەرىستەر مەن تولىق­تىرۋلار ەنگىزۋ تۋرالى زاڭ جوباسى ەنگىزىلەدى. شاراعا قاتىسۋشىلار ال­دىندا الەۋمەتتىك مەديتسي­نالىق ساقتاندىرۋ قورى باس­قار­ماسىنىڭ ءتورايىمى ەلەنا باحمۋتوۆا ءسوز الىپ, دەپۋ­تات­تاردى قوردىڭ قىزمەتى, ونىڭ ۇيىمداستىرۋ قۇرىلىمى مەن الداعى جىلدارعا دامۋ جوس­پارى تۋرالى حاباردار ەتتى. ە.باحمۋتوۆا اتاپ وتكەن­دەي, قوردىڭ نەگىزگى ماقساتى دەن­ساۋلىق ساقتاۋ رەسۋرستارىن ءتيىمدى پايدالانۋ, ءتاريفتى بەل­گىلەۋ مەن قىزمەت كورسەتۋ تولەم­دەرى جونىندەگى بىرىڭعاي قادام­دار جانە سالانىڭ قارجىلاي تۇراقتىلىعىن كۇشەيتۋ بولىپ تابىلادى. تالقىلاۋعا قاتىسقان سەنات دەپۋتات­تارى اقان بيجانوۆ, سەرىك بەكتۇرعانوۆ, ءالي بەك­تاەۆ, نۇرلان قىلىشباەۆ, سارسەن­باي ەڭسەگەنوۆ جانە بەكمىرزا ەلامانوۆ قازىرگى وزەكتى ماسە­لەلەردى ايتا كەلىپ, بىرقاتار ساۋالدار قويدى جانە قارالىپ وتىرعان تاقى­رىپ بويىنشا ءوز ۇسىنىستارىن ورتاعا سالدى. جاڭا ۇلگىنىڭ ءالسىز جاقتارى مەن قوردىڭ تۇراقتىلىعىن قولداۋدىڭ كەلەشەگى جانە ونىڭ اكتيۆتەرىنىڭ ساقتالۋى جان-جاقتى ساراپقا سالىندى. سەناتورلار اۋىلدىق جەرلەردە تۇراتىن 2,5 ميلليونعا جۋىق ءوز بەتىنشە جۇمىسپەن اينا­لىسۋشى ادامدارعا ءدارى­گەر­لىك ساقتاندىرۋ تەتىكتەرى­نىڭ بول­ماۋىنا بايلانىستى الاڭ­داۋشىلىق ءبىلدىردى. سونداي-اق, ساقتاندىرۋ جۇيەسىنە بارلىق قاتىسۋشىلاردىڭ ءوزارا ءىس-قي­مىلىنىڭ ءار قادامىن ناق­تى بەلگىلەۋ ۇسىنىلدى. پىكىر­سايىس ناتيجەسىندە مىندەتتى الەۋمەتتىك مەديتسينالىق ساق­تاندىرۋ جۇيەسىن ءتيىمدى ەن­گىزۋ­گە باعىتتالعان ۇسىنىستار ازىرلەنەتىن بولدى. ءلايلا ەدىلقىزى, «ەگەمەن قازاقستان»