توعىز جاسار اكتريسا

وبلىس ورتالىعىنان شالعايدا, رەسەيمەن شەكارادا جاتقان قارابالىق اۋدانىنىڭ جۇرتشىلىعى, «بالالىق شاق» ءفيلمىنىڭ تەزىرەك ەكرانعا شىعۋىن كۇتىپ ءجۇر. وندا باستى كەيىپكەر سامالدىڭ بەينەسىن قارابالىق كەنتىندەگى №3 قازاق ورتا مەكتەبىنىڭ 4-سىنىپ وقۋشىسى, 9 جاسار كارينا جولدىبەك سومدادى.  وتكەن جىلى كارينانىڭ اتا-اناسى ينتەرنەتتەن بالالار فيل­مىنە كاستينگ بولاتىنى ءجو­نىندە حابارلاما وقىپ, رەجيسسەر داۋلەت ەسجانوۆقا حابارلاسادى. ويتكەنى, كارينانىڭ اناسى ينديرا قىزىنىڭ ونەرگە وتە قابىلەتتى ەكەنىن كىشكەنتاي كەزىنەن بايقايتىن. – كارينا 1-2 سىنىپتاردى وقىعان قوستاناي قالاسىنداعى №5 «ا» گيمنازياسىندا مۋزىكا مەن تەاتر ىسىنەن ساباق بەر­گەن ۇستازى باعدات وسپانوۆ شاكىرتىنىڭ بويىنان ونەر ۇش­قىنىن بايقايدى. بايقايدى دا, ۇشتايدى. كارينا مانەرلەپ وقۋدان بايقاۋدا 16 مەكتەپتەن قاتىسقان وقۋشىلار اراسىندا باس جۇلدەنى جەڭىپ العان ەدى. ودان كەيىن تەاتر ونەرىنىڭ «الىپپەسىن» دە سول كىسى تانىتتى, – دەيدى ينديرا ارباباەۆا. استانادا وتكەن مامانداردىڭ فيلمگە ىرىكتەۋىنە كىپ- كىشكەن­تاي قارا قىز يمەنە كىرگەن. وعان «اكەڭ اۋىرىپ قالسا قا­لاي كومەك بەرەر ەدىڭ؟» جانە «سى­نىپتاستارىڭمەن ورماندا ساياحاتتاپ ءجۇرىپ, اداسىپ كەتسەڭ نە ىستەر ەدىڭ؟» دەگەن ەكى تاپسىرما بەرىلەدى. كارينانى ىرىكتەۋ كوميسسياسىنا اكەسى ەرتىپ اكەلگەن بولاتىن. العاشقى تاپسىرما بەرىل­گەندە قىسىلىڭقىراپ ءارى «اۋىر­عان» اكەسىنە كوزى بوتالاپ, بالا­لىق مەيىرىمىمەن قاراعان قىزدىڭ بەينەسى شىنايىلىعىمەن تارتىمدى بولىپ ەدى. كوميسسيا ءمۇ­شەلەرى بالا قىسىلماسىن دەپ ونىڭ اكە­سىنىڭ شىعىپ كەتۋىن وتىنەدى. ەكىنشى تاپسىرمانى ورىن­داعاندا كارينا «ورماندا اداسقان كەز كەلگەن بالا قور­قادى, سوسىن جىلايدى» دەپ ويلادى. دوستارىن شاقىرىپ, «قورىققانىنان» ايقايلاپ جى­­لاعان كارينا كوميسسيا مۇشە­لەرىن وبرازعا سونشالىقتى سەن­دىرە ءبىلدى. وسى فيلمگە ءتۇسۋ ءۇشىن 600 بالا باعىن سىناعان ەكەن. سولاردىڭ اراسىنان كاري­نا تەات­ر ونەرىنەن حابارى بارلى­عىن, كەيىپكەر بەينەسىنە كىرە بىلە­­تىندىگىن, ساحنا تىلىمەن سويلەپ, قاجەت كەزىندە جىلاي الاتىن­دىعىن دا كورسەتەدى. ەكى كۇننەن كەيىن ىرىكتەۋ قورىتىندىسى شىعىپ, كوميسسيا مۇشەلەرى كارينانى تاڭدايدى. سول جازدا ول «بالالىق شاق» فيلمىنە ءتۇسىپ تە ۇلگەرەدى. فيلم رەجيسسەرى داۋلەت ەسجانوۆ كورەرمەندەرگە «تاستاندى», «ءومiر جولى», «ءجۇ­رە­گىڭدى ءبىر تىڭداشى», باسقا دا فيلمدەرىمەن تانىمال. – بالالار ءفيلمىنىڭ ءتۇسى­رىلىمى وڭاي بولمايتىنىن شامالايمىز. ءتۇسىرۋ توبىنا ءار دۋبل­دى 6-7 رەت قايتالاۋعا تۋرا كەلەدى. ولار ىستىق كۇندە ءتۇسىرۋ الا­ڭىندا 10 ساعاتتان جۇمىس ىستەدى. جانىندا ءبىز دە بولعان جوقپىز. باۋىرىمىزدان شىقپاعان با­لاعا جەڭىل بولعان جوق, بىراق رەجيسسەردىڭ, ءتۇسىرۋ توبىنىڭ ويى­نان شىعىپ كەلدى, – دەيدى اناسى ينديرا. «بالالىق شاق» ءفيلمى تاياۋ­دا وتاندىق تەلەارنالاردان كور­سەتىلەدى. – مەنەن سىنىپتاستارىم سامال تۋرالى سۇرايدى. مەن ولار­عا «ازىرشە قۇپيا, ءفيلمنىڭ ءوزىن كورىڭدەر, سوندا قىزىق بولادى» دەپ ايتامىن, – دەيدى كارينا. كىشكەنتاي اكتريسانىڭ وسىنداي شىعارماشىلىق ۇستانىمى دا بار. ال ءفيلمنىڭ رەجيسسەرى ءداۋ­لەت ەسجانوۆ كارينانى الدا­عى ۋاقىتتا تۇسىرىلەتىن فيلم­­دە­رىن­دەگى لايىقتى رولدەرگە شاقى­­راتىنىن دا ايتىپ وتىر. ءنازيرا جارىمبەتوۆا, «ەگەمەن قازاقستان» قوستاناي وبلىسى, قارابالىق اۋدانى