قىزىلوردا وبلىسىنىڭ 7 اۋىلىندا سپورت كەشەندەرى سالىنادى

وتكەن جىلى قىزىلوردالىق سپورتشىلار رەسپۋبليكالىق, حالىقارالىق چەمپيوناتتاردان 742 مەدال جەڭىپ الدى. بۇل تۋرالى بۇگىن وبلىستىق كوممۋنيكاتسيالار ورتالىعىندا وبلىستىق دەنە شىنىقتىرۋ جانە سپورت باسقارماسىنىڭ باسشىسى سادىق مۇستافاەۆ ءمالىم ەتتى, دەپ حابارلادى وبلىس اكىمدىگىنىڭ ءباسپاسوز قىزمەتى. سىر سپورتشىلارى ەل چەمپيوناتتارىندا 695 مەدال تاققان. ولاردىڭ 203-ى التىن, تاعى 203 كۇمىس جۇلدە بار. قالعان 289-ى قولا مەدال.  ال ازيا, الەم چەمپيوناتتارىنان بىزگە بۇيىرعانى 47 مەدال.  ونىڭ 17-ءسى التىن, 13-ءى كۇمىس جانە 17 قولا. وتكەن جىلدىڭ قورىتىندىسى بويىنشا وبلىستا دەنە شىنىقتىرۋ جانە سپورتپەن شۇعىلدانۋشىلار سانى  203 594 ادامعا جەتتى. وبلىس اۋماعىندا سپورتشىلار دايىندىعىن شىڭدايتىن 21 مەكتەپ بار. «قىسقى سپورت تۇرلەرىن دامىتۋ ماقساتىندا وبلىستا شورت-ترەك بولىمشەسى اشىلدى. قازىر وندا 42 بالا دايىندالىپ جاتىر.  سونىمەن قاتار, ايماقتا سپورتتىق قۇرىلىعىلارعا قولجەتىمدىلىك ارتتى. سوڭعى 3 جىلدا 9 سپورت كەشەنى پايدالانۋعا بەرىلسە, بيىل ەڭبەكشى, جانقوجا باتىر, مادەنيەت, اقجارما, تۇگىسكەن, سەكسەۋىل جانە تورەتامدا وبلىس بيۋدجەتى ەسەبىنەن سپورت كەشەندەرى سالىنادى», - دەدى باسقارما باسشىسى.