2016 جىلى ورداباسى اۋدانىندا 51 ملرد تەڭگەنىڭ ءونىمى ءوندىرىلدى

2016 جىلى ورداباسى اۋدانىندا 50 ملرد 999 ملن تەڭگەنىڭ ءونىمى وندىرىلگەن. اۋدان بيۋدجەتى 14 ملرد 385 ملن تەڭگەگە جەتسە, جەرگىلىكتى كىرىستەر 1 ملرد 160 ملن تەڭگەنى قۇراپتى. اۋىل شارۋاشىلىق ءونىم كولەمى 29 ملرد 433 ملن تەڭگەگە ارتسا, مال شارۋاشىلىعىنىڭ ءوندىرىسى 15 ملرد. 358 ملن. 700 مىڭ تەڭگە, ەگىن شارۋاشىلىعى بويىنشا تۇسكەن تابىس 14 ملرد. 075 ملن. 100 مىڭ تەڭگەگە جەتكەن, دەپ حابارلادى وقو اكىمىنىڭ ءباسپاسوز قىزمەتى. اۋدان اكىمى مەن اۋىل وكرۋگى اكىمىنىڭ جىلدىق ەسەبىن تىڭداعان ءوڭىر باسشىسى جانسەيىت قانسەيىت ۇلى شۇبار اۋىلدىق وكرۋگىندە ينۆەستيتسيا تارتۋ, جاڭا جۇمىس ورىندارىن اشۋ بويىنشا جۇمىستاردىڭ ءوز دەڭگەيىندە  جۇرگىزىلمەگەنىن جەتكىزدى. «شۇبار يندۋستريالدى ايماعىندا بىردە ءبىر جوبا جۇمىس ىستەپ تۇرعان جوق. 93 گەكتار جەر 3 جىلدان بەرى بوس تۇر. سونداي-اق  اتالعان  وكرۋكتە  «يندۋستريالاندىرۋ كارتاسى» مەن  «بيزنەستىڭ جول كارتاسى 2020» باعدارلامالارى بويىنشا ەشقانداي جوبا ىسكە اسىرىلماعان. اۋىل شارۋاشىلىعى ونىمدەرىن وڭدەيتىن بىردە ءبىر شاعىن تسەحتار اشىلماپتى. اۋل وكرۋگى ايماعىندا ىشكى جولداردىڭ 66 پايىزى قاناعاتتانارلىقسىز جاعدايدا»,- دەدى وبلىس اكىمى جانسەيىت قانسەيىت ۇلى. ورداباسى اۋدانىنىڭ دوتاتسيالى ءوڭىر ەكەنىنە توقتالعان وبلىس اكىمى اۋدان بيۋدجەتىنىڭ 9 پايىزى عانا  ياعني 1,3 ملرد تەڭگەسى وزىندىك كىرىستەر, قالعان 13 ملرد. تەڭگەسى  91 پايىزى  ترانسفەرتتەر مەن سۋبەنتسيالار قۇرايتىنىن جەتكىزدى.  2017 جىلى اۋدانعا الەۋمەتتىك ەكونوميكالىق جاعدايىن ارتتىرۋ ماقساتىندا رەسپۋبليكا, وبلىس بيۋدجەتىنەن  16 ملرد. تەڭگە باعاتتالىپ وتىر. اۋدانداعى ەڭ باستى ماسەلە – گازداندىرۋ. وسى ماقساتتا بيىل 1,7 ملرد تەڭگە ءبولىنىپ, تۇرعىندار كوگىلدىر وتىنعان قول جەتكىزەدى. سونداي-اق وڭىردەگى 5 جاڭا مەكتەپتىڭ قۇرىلىسىنا 2,3 ملرد تەڭگە باعىتتالىپ وتىر. ال, شۇبار اۋىل وكۋرگىندە بيىل 471 ملن تەڭگەگە قۇرىلىس جۇمىستارى جۇرگىزىلەتىن بولادى. اتاپ ايتساق, بەرەكە اۋىلىندا 200 ورىندىق مەكتەپ قۇرىلىسىن جۇرگىزۋ ءۇشىن    248 ملن. تەڭگە,  شۇبار اۋىلىنداعى دارىگەرلىك ەمحانا قۇرىلىسىن اياقتاۋعا 125 ملن. تەڭگە, اقباستاۋ باستاۋىش مەكتەبىنە 100 ورىندىق مەكتەپ عيماراتىن ساتىپ الۋعا 28 ملن. تەڭگە قارالىپ وتىر.  سونىمەن قاتار, وزەكتى ماسەلەنىڭ  بىرىنە اينالعان شۇبار اۋىلىنان 150 ورىندىق مادەنيەت ءۇيىن سالۋعا جوبالىق سمەتالىق قۇجاتتاماسىن دايىنداۋعا 8 ملن. تەڭگە قاراستىرىلىپتى.