ءوزىن ءوزى باسقارۋدىڭ ءتيىمدى جولدارى قانداي؟

كەشە ماجىلىستە پالاتا توراعاسىنىڭ ورىنباسارلارى ۆلاديمير بوجكو مەن گۇلميرا يسىمباەۆانىڭ قاتىسۋىمەن جەرگىلىكتى ءوزىن ءوزى باسقارۋدى دامىتۋ جانە ازاماتتاردىڭ وعان قاتىسۋ مۇمكىندىگىن كەڭەيتۋ ماسەلەلەرىنە ارنالعان دوڭگەلەك ۇستەل بولىپ ءوتتى. شارانى ەكونوميكالىق رەفورما جانە  وڭىرلىك دامۋ كوميتەتىنىڭ توراعاسى نۇرتاي سابيليانوۆ اشىپ, جۇرگىزىپ وتىردى. بۇدان بۇرىن, ءماجىلىستىڭ جالپى وتىرىسىندا, مەملەكەت باسشىسىنىڭ ۇلت جوسپارىنداعى 97 جانە 98-قادامداردى ىسكە اسى­رۋ ماقساتىمەن  اۋىلدىق اكىمدىك­تەرگە بيۋدجەت ەنگىزۋ ماسەلەسى تۋرالى زاڭ جوباسى ءبىرىنشى وقى­لىمدا ماقۇلدانعانىن ايتقان بولاتىنبىز. ەسكە سالا كەتسەك, وعان سايكەس 2500-دەي اۋىلدىق, كەنتتىك اكىمدىكتەردە بيۋدجەت اشىلىپ, ولارعا كەيبىر سالىقتار مەن ايىپپۇلداردان جانە كوممۋنالدىق مەنشىكتەردى ساتۋدان تۇسەتىن 110 ملرد تەڭگەدەي قاراجات قۇيىلماق. زاڭ جوباسىن تالقىلاۋ بارىسىندا اۋىلدىق اكىمدىكتەردىڭ قاراجاتتى دۇرىس يگەرۋ, زاڭعا سايكەس ماقساتتى جۇم­ساۋ ىستەرىنە كوپتەگەن كۇمان­دار كەلتىرىلىپ, ولاردىڭ سىبايلاس جەمقورلىققا جول بەرۋى ءمۇم­كىن دەلىنگەن كۇدىكتەر دە ايتىل­عان. ءماجىلىس توراعاسى ن.نىع­ما­تۋلين ۇلتتىق ەكونو­ميكا مينيسترىنە ارناعان قورى­تىن­دى سوزىندە اكىمدەردى قاراجات يگە­رۋ جۇمىسىنا ۇيرەتۋ تەك سەمي­نار-كەڭەستەرمەن عانا شەكتەلمەي, ار­ناۋلى كۋرستاردا وقىتۋ كەرەك­تىگىن دە ايتقان بولاتىن. كەشەگى دوڭگەلەك ۇستەلدە نەگى­زىنەن وسى باعىتتاعى جۇمىستار ءسوز ەتىلدى. بايانداما جاساعان ۇلت­تىق ەكونوميكا ۆيتسە-ءمينيسترى اي­باتىر جۇماعۇلوۆ اۋىل اكىم­دەرىنىڭ بيۋدجەتتى يگەرۋگە دايىندىعى تۋرالى سويلەدى. ونىڭ سوزىنە قاراعاندا, 2016 جىلى «زەردە» وقىتۋ ورتالىعىنىڭ بازاسىندا 1381 اۋىل اكىمى ارناۋلى كۋرستان ءوتىپتى. بۇل – بارلىق اكىمدەردىڭ 56 پايىزى. سونىمەن قاتار, مەملەكەتتىك باسقارۋ اكادەمياسى ايماقتىق وقىتۋ ورتالىقتارىمەن بىرلەسە وتىرىپ, اۋىل اكىمدەرى مەن ونىڭ اپپاراتىنىڭ قىزمەتكەرلەرى ءۇشىن ءوزىن-ءوزى باسقارۋدىڭ قۇقىقتىق نەگىزدەرى, بيۋدجەتتى جوسپارلاۋ مەن ازىرلەۋ, قورعاۋ مەن ورىنداۋ ءتارتىبى, بۋحگالتەرلىك ەسەپتى جۇرگىزۋدىڭ ەرەكشەلىكتەرى تۋرالى سەمينارلار ۇيىمداستىرعان.  «اكىمدەر مەن اپپارات باسشىلارىن وقىتۋ ءۇشىن جاڭا ماقساتتى باعدارلاما ىسكە قوسىلدى. ۇلتتىق ەكونوميكا مينيسترلىگى اكىمدەردى 4-ءشى دەڭگەيلى بيۋدجەتپەن جۇمىس ىستەۋگە دايىنداۋ ءۇشىن جالپى ۇيلەستىرۋ جۇمىستارىن جۇرگىزبەك», – دەدى ا.جۇماعۇلوۆ. سونىمەن بىرگە, ارناۋلى دايىندىقتان وتكەن 36 وقىتۋشى 14 ايماقتىق وقىتۋ بازالارىندا اكىمدەر مەن اپپارات قىزمەتكەرلەرىنە ۇستازدىق  جاسايدى ەكەن. وقۋ مەرزىمى اياق­تالعان سوڭ اكىمدەر مەن قىز­مەت­كەرلەر تەست تاپسىراتىن كورىنەدى. بايانداما اياقتالعان سوڭ ا.جۇ­ما­عۇلوۆقا كوپتەگەن سۇراق­تار قويىلدى جانە قوسىمشا ۇسى­نىستار جاسالدى. دەپۋتاتتار­دىڭ بۇل ىسكە بەلسەندى تۇردە ارالاس­قان­دىعى مەملەكەتتىك مۇددەگە جا­ناشىرلىق ەكەندىگى كورىنىپ تۇردى. دوڭگەلەك ۇستەلگە ەلىمىزدىڭ ايماقتارىنان كەلگەن اۋىلدىق وكرۋگتەردىڭ اكىمدەرى دە قاتىسىپ, وزدەرىنىڭ ويلارىن ورتاعا سالدى. ولار وزدەرىنىڭ سوزدەرىندە بيۋد­جەتتىڭ ەنگىزىلگەنىن نەگىزى­ن­ەن قۇپتادى. ال ونى يگەرۋ مەن ماقساتتى جۇمساۋدا سونشا­لىقتى تىعىرىققا تىرەلە­تىندەي ماسەلەنىڭ جوقتىعى كول­دە­نەڭ تارتىلدى. ويتكەنى, كوپ­تەن ىستەگەن اكىمدەر قارجى ءبولىن­­گەن جاعدايدا بيۋدجەتتى قالاي جۇم­ساۋدى باياعىدا-اق جوسپارلاپ قوي­عاندارىن ايتتى. دوڭگەلەك ۇستەلگە قارجى, اقپارات جانە كوم­مۋ­نيكاتسيالار, ادىلەت, دەن­ساۋلىق ساقتاۋ جانە الەۋمەتتىك دامۋ مينيسترلىكتەرى مەن مەم­لەكەتتىك قىزمەت جانە سىبايلاس جەمقورلىققا قارسى ءىس-قيمىل اگەنتتىگىنىڭ, ۇلتتىق كومپانيا­لاردىڭ وكىلدەرى قاتىستى. ءدوڭ­گەلەك ۇستەل قورىتىندىسى بويىن­شا ۇكىمەتكە ۇسىنىستار ءازىر­لەنەتىن بولدى. جاقسىباي سامرات, «ەگەمەن قازاقستان»