«ماڭعىستاۋ وبلىسىنا قىزمەتتىك ساپارى بارىسىندا قر ىشكى ىستەر ءمينيسترىنىڭ ورىنباسارى بەرىك بيسەنقۇلوۆ ايماقتاعى پوليتسيانىڭ جەدەل-قىزمەتىنىڭ قورىتىندىسى جانە كەلەشەكتەگى باسىم مىندەتتەرى تۋرالى جەدەل كەڭەس وتكىزدى» دەپ حابارلايدى ماڭعىستاۋ وبلىسى ءىىد ءباسپاسوز قىزمەتى.
جينالىستا الدىمەن ماڭعىستاۋ وبلىسى ءىىد باستىعى پوليتسيا پولكوۆنيگى قايرات دالبەكوۆ وبلىس بويىنشا شۇعىل احۋالدى قىسقاشا ايتىپ ءوتتى. باياندامادا كورسەتىلگەندەي, ماڭعىستاۋ وبلىسىندا قابىلدانعان پروفيلاكتيكالىق شارالاردىڭ ناتيجەسىندە جىلدىڭ قورىتىندىسىمەن قىلمىستىڭ بارلىق تۇرلەرى بويىنشا تىركەلۋىنىڭ ازايۋى بايقالدى, ونىڭ ىشىندە اسا-اۋىر - 2,0%-عا, اۋىر – 0,6%-عا, ورتاشا اۋىر -1,9%-عا, ونشا اۋىر ەمەس -16,7%-عا, سونىمەن قاتار, قاراقشىلىق – 34,6 %-عا, توناۋ – 20,3%-عا, بوپسالاۋشىلىق – 14,1%-عا, ايداپ اكەتۋ - 43,8 %-عا جانە بۇزاقىلىق – 33,0%-عا.
سونىمەن بىرگە ايماقتاعى جالپى قىلمىستىلىق دەڭگەيى رەسپۋبليكا بويىنشا ەڭ تومەنگى بولىپ قالادى, 103 قىلمىس 10 مىڭ تۇرعىنعا (ورتا رەسپۋبليكالىق كورسەتكىشتە - 194) كەلەدى. ەسىرتكى قۇقىق بۇزۋشىلىقتارىن انىقتاۋدىڭ 65 فاكتىگە (172-دەن 237-گە دەيىن) دەيىن جاقسارعانىندىعى, الىنعان ەسىرتكى قۇرالىنىڭ جالپى سانىنىڭ 7,5 ەسەگە ارتقاندىعى بايقالدى.
ق.دالبەكوۆ ايماقتاعى كريمينوگەندىك احۋالدىڭ تۇراقتىلىعىنا پوليتسيا قىزمەتىنىڭ ماتەريالدى- تەحنيكالىق بازاسىن كۇشەيتۋ دە ىقپال ەتەتىندىگىن اتاپ ءوتتى. ءبىر جىل ىشىندە ارنايى اۆتوكولىكتىڭ 45 بىرلىگى, 217 ءپورتاتيۆتى جانە 40 ءاۆتوموبيلدى بەينەباقىلاۋ الىندى.
وبلىس بويىنشا 172 بەينەباقىلاۋ كامەراسى جۇمىس ىستەيدى, ولاردىڭ كومەگىمەن 210 قىلمىس اشىلىپ, 30 مىڭ 271 اكىمشىلىك قۇقىق بۇزۋشىلىق انىقتالدى. اعىمداعى جىلى وبلىس اكىمدىگىنىڭ قولداۋىمەن اقتاۋ قالاسىنىڭ 22 شاعىن اۋدانىندا تاعى دا 500 بەينەباقىلاۋ كامەرالارىن ورناتۋ جوسپارلانۋدا.
جينالىستا ءىىد باستىعىنىڭ ورىنباسارلارى, اۋماقتىق بولىنىستەر باسشىلارىنىڭ دا باياندامالارى تىڭدالدى.
ءمينيستردىڭ ورىنباسارى دەپارتامەنتتىڭ جەكە قۇرامىنا ەلباسى ن.ءا.نازارباەۆتىڭ ءىىم-گى ىسكە اسىرىلۋى ءتيىس شارالارى تۋرالى تاپسىرماسىن اتاپ ءوتىپ, وتكەن جانە اعىمداعى جىلدا قابىلدانعان جاڭا زاڭ نورمالارىنا تولىعىراق توقتالدى.
پوليتسيا قىزمەتىندەگى نەگىزگى باعىت - ازاماتتاردى قىلمىستىق ارەكەتتەردەن سەنىمدى تۇردە قورعاۋ جانە قۇقىقتىق ءتارتىپتى جوعارى دەڭگەيگە كوتەرۋ,- دەپ اتاپ كورسەتتى ب.بيسەنقۇلوۆ.
ماڭعىستاۋلىق پوليتسيا قىزمەتىنىڭ ناتيجەسىن وڭ باعالاعان ءمينيستردىڭ ورىنباسارى ايماقتاعى ۇرلىققا قارسى ءىس-قيمىل, ۇيىمداسقان قىلمىسقا قارسى كۇرەستى جانداندىرۋ, قوعامدىق ورىندار مەن كوشەلەردەگى ءتارتىپتى كۇشەيتۋ قاجەتتىگىنە باسا نازار اۋداردى.
جينالىستا ب.بيسەنقۇلوۆ وبلىستىڭ ءىىد باسشىلىعى مەن ونىڭ اۋماقتىق بولىنىستەرىنە ىشكى ىستەر ورگاندارىنىڭ قىزمەتىنىڭ بارلىق باعىتى بويىنشا ناقتى مىندەتتەر, سونىڭ ىشىندە قوعامدىق ءتارتىپتى قورعاۋ, قىلمىس پەن قۇقىق بۇزۋشىلىقتاردى اشۋ جانە تەرگەۋ, ونىڭ الدىن الۋ, جەكە قۇرامنىڭ ءتارتىبىن كۇشەيتۋ شارالارى بويىنشا تاپسىرمالار بەردى.سونداي-اق ب.بيسەنقۇلوۆ راقىمشىلىققا بايلانىستى جازاسىن وتەۋدەن بوساتىلعانداردى وقىتۋ مەن جۇمىسقا ورنالاستىرۋ ماسەلەلەرىنە اسا نازار اۋدارۋدى اتاپ كورسەتتى.
گۇلايىم شىنتەمىرقىزى, ماڭعىستاۋ وبلىسى
