«قايراتتىڭ» ۇزدىك ويىنشىلارىنىڭ ءبىرى كوماندادان كەتۋى مۇمكىن

قازاقستان پرەمەر-ليگاسىنداعى ەڭ قىمبات فۋتبولشىلاردىڭ ءبىرى گەرسون اسەۆەدو «قايرات» ساپىنان كەتۋى مۇمكىن. سەبەبى, بۇل فۋتبولشى تۇركيا جەرىندە وقۋ-جاتتىعۋ جيىنىنا اتتانعان تىزىمگە ىلىكپەدى. بۇل تۋرالى vesti.kz حابارلادى. «قايرات» كەشە تۇركياداعى ەكىنشى جاتتىعۋ جۇمىستارىنا كىرىستى. جاتتىعۋ جيىندارى 8 اقپانعا دەيىن جالعاسادى. وسى ۋاقىت ارالىعىندا كوماندا ءتورت جولداستىق كەزدەسۋ جوسپارلانعان. بۇگىن كلۋبتىڭ رەسمي سايتى جاتتىعۋ جيىندارىنا اتتانعان فۋتبولشىلاردىڭ ءتىزىمىن جاريالادى. بۇل تىزىمدە گەرسون اسەۆەدو مەن برۋنو سوارەستەن باسقا نەگىزگى قۇرامنىڭ بارلىق ويىنشىلارى بار. ەكەۋى دە ءبىرىنشى جاتتىعۋ جيىندارىنا قاتىسقان. كوماندا باسشىلىعى بۇل جونىندە ەشقانداي مالىمدەمە جاسامادى. «قايراتتىڭ» وقۋ-جاتتىعۋ جيىندارىنا شاقىرتۋ العان فۋتبولشىلاردىڭ ءتىزىمى: ۆلاديمير پلوتنيكوۆ, ستاس پوكاتيلوۆ, ولەگ گرۋبوۆ, تيمۋر رۋدوسەلسكي, يان ۆوروگوۆسكي, جاركو ماركوۆيچ, يسلامبەك قۋات, ميحايل باكاەۆ, باۋىرجان يسلامحان, يساەل باربوزا, جەرار گوۋ, ەرمەك قۋانتاەۆ, سەزار ارزو, باۋىرجان تۇرىسبەك, الىبەك قاسىم, ماديار رايىمبەك, عافۋرجان سۇيىمباەۆ, ديلشات مۇساەۆ, ەلدوس احمەتوۆ, اندرەي ارشاۆين, گەورگي جۋكوۆ, ايبول ابىكەن, ويبەك بالتاباەۆ, ستانيسلاۆ لۋنين, ماكسيم گلادچەنكو.