گولوۆكيندى جەڭۋ ءۇشىن قانداي ءادىس قولدانۋ كەرەك؟

Boxingnews24.com ءتىلشىسى اللان فوكس گولوۆكينگە قارسى كەزدەسۋدە دجەيكوبس قانداي تاكتيكا قولدانۋ كەرەكتىگىن ايتتى. بۇل تۋرالى sports.kz حابارلادى. «گولوۆكين جىلدام قوزعالاتىن بوكسشىلارمەن كوپ جۇدىرىقتاسقان. الايدا, ولاردان مەرەيى ۇستەم بولعانىن جاقسى بىلەمىز. دەنني بريتانيالىق مارتين ميۋررەيدىڭ تاكتيكاسىن قولدانباعانى ءجون. وزدەرىڭىز كورگەندەي, GGG بريتانيالىقتىڭ جابىق ءادىسىن قولدانىپ, جاقىن قاشىقتىقتا جۇدىرىقتاسۋىنا جول بەرمەي, ارتقا ءجيى شەگىنىپ ءجۇردى. مۇنداي جول وعان ەش ناتيجە بەرمەيدى», – دەپ قازاقستاندىق بوكسشىنىڭ ەرەكشە تۇستارىن اتاپ ءوتتى. «دجەيكوبس جىلدام ءارى اۋىر سوققىلار جاساۋعا قابىلەتتى. مىنە, وسىعان سەنىم ارتقانى ءجون. سونداي-اق, اندرە ۋوردتىڭ سەرگەي كوۆالەۆكە قارسى قولدانعان تاكتيكاسىنا كوشسە دە ۇزاققا بارادى دەپ ويلامايمىن. دەنيەل مۇنداي جولمەن ەشقاشان بوكستاسپاعان. بۇل جولى دا قاجەت ەمەس. ال ۋوردتىڭ ەرەكشەلىگى بۇعان دەيىن وسىنى ءجيى قولدانعاندىقتان رەسەيلىكتەن باسىم ءتۇستى. ال گولوۆكين بويى ازداپ قىسقا بولعاندىقتان, جاقىن قاشىقتىقتا جاقسى جۇدىرىقتاسادى. ال بويشاڭ سپورتشىلارعا الىستان سوققى جاساعان دۇرىس», – دەدى ءتىلشى. «گولوۆكيننىڭ وسىعان دەيىنگى جەكپە-جەكتەرىنە قاراپ, جاقىن تۇستا قانشالىقتى مىقتى ەكەنىن بايقادىق. دجەيكوبس پيتتەر كۋيللينگە قارسى قولدانعانداي ديستانتسيا ساقتاپ, اۋىر سوققىلارىن جىلدام سەرمەگەنى دۇرىس دەپ ويلايمىن. كلينچ ءادىسىن دە اراسىندا قولدانىپ كورۋى كەرەك», – دەدى اللان فوكس.