فيرۋزا ءشارىپوۆا اۆستراليادا جەكپە-جەك وتكىزۋى مۇمكىن

قازاقستاندىق بوكسشى قىز فيرۋزا ءشارىپوۆانىڭ مەنەدجەرى سەرگەي زاۆيلەيسكي اۆستراليادا جەكپە-جەك وتكىزۋ ۇسىنىسى جايىندا ايتىپ بەردى. بۇل تۋرالى vesti.kz حابارلادى. «بىزگە 26 ناۋرىزدا اۆستراليادا دەاننا حوببسپەن جۇدىرىقتاسۋ تۋرالى ۇسىنىس تۇسكەنى راس. ول BoxRec رەيتينگى بويىنشا سەگىزىنشى ورىندا تۇر. ەكى جەكپە-جەك وتكىزگەن جانە ەكەۋىن دە ۋاقىتىنان بۇرىن اياقتاعان. بىزگە مىقتى قارسىلاس بولايىن دەپ تۇر. ەگەر رەسەي نەمەسە قازاقستاندا جەكپە-جەك وتكىزۋ ۇسىنىلعاندا ەش قيىندىق بولمايتىن ەدى. بىراق اۆسترالياعا بارۋ جانە ول جاققا ۇيرەنۋدىڭ ءوزى ءبىراز ۋاقىتىمىزدى الادى. وسىعان بايلانىستى ءبىز ءالى ناقتى شەشىمگە كەلمەدىك. ونىڭ ۇستىنە گونورار كولەمى ازداۋ, ونى ارتتىرۋىن سۇرادىق. ال ەكىنشى جاق بۇل تۋرالى ويلانىپ جاتىر. نەگىزى بۇدان وزگە دە ۇسىنىستار بار», – دەدى زاۆيلەيسكي «جالپى, بىزگە وسى دەڭگەيدەگى قارسىلاستار كەرەك. فيرۋزانى ەۋروپادا, اۆستراليادا, امەريكادا جاقسى تانيدى. بىراق ءوزى وسى جەكپە-جەكە قۇلشىنىپ وتىر. سوندىقتان جاقىن ارادا جان-جاقتى ويلاپ, ءبىر شەشىمگە كەلەمىز», – دەدى مەنەدجەر. ايتا كەتەيىك, فيرۋزا ءشارىپوۆانىڭ كوكتەمدە چەمپيوندىق اتاققا تالاسۋدى جوسپارلاپ جۇرگەنى حابارلانعان.