ساعىنتاەۆ Macau Legend Development Ltd» وكىلدەرىمەن كەزدەستى

ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ «Macau Legend Development Ltd» ماكاولىق كومپانياسىنىڭ تەڭ توراعاسى جانە اتقارۋشى ديرەكتورى دەۆيد چوۋ باستاعان وكىلدەرىمەن كەزدەسۋ وتكىزدى, دەپ حابارلادى پرەمەر-ءمينيستردىڭ رەسمي سايتى. كەزدەسۋ بارىسىندا اۋىل جانە ورمان شارۋاشىلىعى قالدىقتارىن كەشەندى كادەگە جاراتۋعا جانە قايتا وڭدەۋگە مامانداندىرىلعان «Anhui Geyi Biorefineries Industrial Park Limited» كومپانياسىمەن ىنتىماقتاستىق پەرسپەكتيۆالارى تالقىلاندى. قاتىسۋشىلاردىڭ پىكىرىنشە, جوبانى جۇزەگە اسىرۋ جابدىقتار ءوندىرىسى سالاسىنا, ونەركاسىپتىڭ ەكولوگيالىق قاۋىپسىز سەكتورلارىنا, زاماناۋي رەگەنەراتسيالىق جانە ورگانيكالىق ەگىن شارۋاشىلىعىنا, اۋىل شارۋاشىلىعى تۋريزمىنە جانە باسقا دا ساباقتاس سالالارعا ينۆەستيتسيالار ءتۇسىمىن ارتتىرۋعا مۇمكىندىك بەرەدى. بۇدان وزگە, ءوندىرىس لوگيستيكالىق جانە كولىك قىزمەتتەرىن دامىتۋدى جانە جاڭا جۇمىس ورىندارىن اشۋدى ىنتالاندىرا الادى. ەمە بەرۋگە مىندەتتى.