2017 جىلى ساۋداعا شىعارىلاتىن مەملەكەتتىك مەنشىكتەگى نىساندار

2017 جىلى ساۋداعا شىعارىلاتىن مەملەكەتتىك مەنشىكتەگى نىساندار بەلگىلى بولدى. بۇل تۋرالى ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا قر قارجى مينيسترلىگى مەملەكەتتىك م ۇلىك جانە جەكەشەلەندىرۋ كوميتەتى توراعاسىنىڭ ورىنباسارى عالىمجان ىبىرايىموۆ مالىمدەدى. «ۇستىمىزدەگى جىل ينۆەستورلار ءۇشىن تارتىمدى بولادى دەپ ويلايمىن. بيىل ءبىز توپ-65 نىساندارىن ساتۋدىڭ بەلسەندى ساتىسىنا وتەمىز. 2017 جىلى بۇل ءىرى نىساندار تىزىمنەن ساتىلىمعا 17-ءسى  قويىلادى. سونىمەن قاتار ءبىز 264 نىساندى ساۋداعا شىعاراتىن بولامىز. مۇنىمەن قوسا, وتكەن جىلى مەملەكەتتىك مەنشىكتەگى نىسانداردى تۇگەندەۋ ناتيجەسى بويىنشا قوسىمشا 105 نىسان انىقتالدى جانە ولار ساتىلىم جوسپارىنا ەنگىزىلەدى»,-دەدى ع. ىبىرايىموۆ. ءبىر ايتا كەتەرلىگى, 2017 جىلعا جوسپارلانعان ءىرى ناساندار اراسىندا «اپاتتار مەديتسيناسىنىڭ تەمىر جول گوسپيتالدارى» اق, «سك-فارماتسيا» جشس, «قازمەدتەح» اق, «ۇلتتىق عىلىمي مەديتسينالىق ورتالىق», «استانا قوناق ءۇيى» اق, «ەۋرو-ازيا ەير» اۋە كومپانياسى, «قازتەمىرترانس» اق,  «اSTANA SOLAR» جشس, «KAZAKHSTAN SOLAR SILICON» جشس, «كاۋستيك» اق جانە وزگە دە كومپانيالار بار.