قوعامدىق قابىلداۋ قارىمى جوعارى

«نۇر وتان» پارتياسى توراعاسىنىڭ ءبى­رىن­شى ورىنباسارى مۇح­تار قۇل-مۇحام­مەد پارتيانىڭ رەسپۋب­ليكالىق قوعام­دىق قابىلداۋ بولمە­سىندە ازاماتتاردى قا­بىلدادى. وندا مۇح­تار قۇل-مۇحام­مەد استانا تۇرعىن­دارى­نىڭ وتىنىشتەرىنە ەرەكشە نازار اۋداردى. پارتيا توراعاسىنىڭ ءبى­رىن­شى ورىنباسارى استانا­لىق­تاردى نەگىزىنەن قالانى ابات­تاندىرۋ مەن ونىڭ ينفرا­قۇ­رىلىمىن دامىتۋ ماسە­لەلەرى الاڭداتاتىنىن اتاپ ءوتتى. «مەن حالقىمىزدىڭ اس­تا­ناعا دەگەن ەرەكشە ىقىلا­سىن تولىق قولدايمىن. سەبە­بى, ەلباسىمىزدىڭ ابىروي, بە­دەلىنىڭ ارقاسىندا ەلوردا­مىز الەمدىك ارەنادا جا­ھان­دىق اۋقىمداعى فورۋم­دار مەن جو­عارى دەڭگەي­دەگى كەزدەسۋلەردى وتكىزۋ ورتا­لى­عىنا عانا ەمەس, سونى­مەن قاتار, گەوساياسي داۋ-جان­جال­داردى رەتتەيتىن جاڭا الاڭعا اينالىپ ۇلگەردى. بۇگىن اس­تا­نا قالاسىندا باستالعان سيريا ماسەلەسى بويىنشا كەلىس­سوزدەر سونىڭ ايقىن ءبىر دالەلى. ونىڭ ۇستىنە, الداعى جاز­دا باس قالامىزدا ءىرى ەكسپو-2017 حالىقارالىق كورمە­سى جۇمىسىن باستايدى. بۇل – بۇكىل الەمنىڭ نازارى ەلور­دا­مىزعا اۋادى دەگەن ءسوز. بۇگىن­دە دۇنيە ءجۇزى استا­نانى قازاق­ستاننىڭ برەندى سانايدى. سون­دىقتان ونىڭ ءار كوشەسى, ءار اۋ­لاسى, ءار عيما­راتى جانە بار­لىق ينفراقۇ­رى­لىمى ەلوردا دە­گەن اتقا لايىق, جوعارى دەڭ­گەيدە بولۋى ءتيىس», – دەدى مۇح­تار قۇل-مۇ­حاممەد. پارتيا توراعاسىنىڭ ءبى­رىنشى ورىنباسارى وتكىزگەن قو­عامدىق قابىلداۋدا العاشقى بولىپ تۇتىنۋشىلار مەن كاسىپ­كەر­لەردى قورعاۋ وداعىنىڭ باس­قارما توراعاسى ۆيكتور سىز­دىكوۆ ءوز ءوتىنىشىن جەتكىزدى.  ول «ءبىر ءۇي – ءبىر بىرلەستىك – ءبىر ەسەپ» ۇستانىمىن ەنگىزۋ ارقىلى كوپ پاتەرلى تۇرعىن ۇيلەردى باس­­قارۋعا ارنالعان جاڭا جوبانى جۇزەگە اسىرۋ ءۇشىن قولداۋ سۇراپ كەلگەن ەكەن. مۇحتار قۇل-مۇحاممەد ۆيكتور سىز­دى­كوۆتىڭ بۇل باستاماسىنا قول­داۋ ءبىلدىردى. سوعان وراي ول پار­تيانىڭ استانا قالالىق فيليا­لىنىڭ باسشىلىعىنا جا­ڭا جوبانى جان-جاقتى زەرتتەپ, وڭ باعا بەرىلگەن جاعدايدا ونى جۇزەگە اسىرۋعا كومەك كور­سەتۋ جونىندە تاپسىرما بەردى. پارتياعا پيك-ءتىڭ ۇستىنەن ارىز-شاعىمداردىڭ ۇدايى ءتۇسىپ تۇراتىنى جاسىرىن ەمەس. ويتكەنى, بۇل – بۇگىندە ەلور­دا­­لىقتاردىڭ وزەكتى ماسەلە­لەرى­نىڭ ءبىرى. ماسەلەن, پار­تيا توراعاسى ءبىرىنشى ورىن­با­سارى­نىڭ قابىلداۋىنا كەلگەن­دەر­دىڭ ءبىرى, استانالىق ۆاسي­لي پاسەچكو ءوزى تۇراتىن ۇيدە جىلۋ مەن ىستىق سۋ ماسە­لەسى ءجيى كەز­دەسەتىنىن جەتكىز­دى. ونىڭ سوزىنە قاراعان­دا, بۇل – پيك-ءتىڭ جاۋ­اپسىز­دى­­عىنىڭ سالدارى. سون­دىق­تان ۆ.سىزدىكوۆ «نۇر وتان» پار­تياسىنىڭ اتالعان ماسەلەنىڭ وڭ شەشىلۋىنە ىقپال جاساۋىن سۇرادى. ال تاعى ءبىر قالا تۇرعىنى زاۋرەش ءجۇمادىلوۆا اناسى تۇ­راتىن ۇيگە مۇمكىندىگى شەكتەۋلى جاندارعا ارنالعان پاندۋس پەن باسپالداق تايانىشىن ورناتۋ ءۇشىن كومەك سۇراپ كەلگەن ەكەن. سەبەبى, مۇگەدەك ارباسىنا تاڭىلعان اناسىنا دالاعا كىرىپ-شىعۋدىڭ ءوزى وڭاي شارۋا ەمەس. بۇگىنگى قابىلداۋدا بەلگىلى بولعان تۇرمىستىق-الەۋمەتتىك ماسەلەلەردىڭ قاتارىندا قو­عام­­دىق جەرلەردەگى تىنىش­تىق­تىڭ بۇزىلۋى دا بار. ءما­سەلەن, استانا تۇرعىنى وكسانا سوتتير رەسپۋبليكالىق قوعام­دىق قابىلداۋ بولمەسىنە سىرا دۇكەنىنىڭ ۇستىنەن شاعىم­دانىپ كەلدى. ونىڭ ايتۋىنشا, اتالعان دۇكەن ءوزى تۇراتىن ءۇيدىڭ ءبىرىنشى قاباتىندا ورنا­لاسقان. تۇنگى ۋاقىتتا ساۋدا نۇك­­تەسىنىڭ اۋماعىندا تى­نىش­­­تىق رەجىمى ءجيى بۇزىلادى. تۇر­­عىنداردىڭ قۇقىق قورعاۋ ور­گان­­دارىنا جاساعان شاعىم­دا­رى ەش ناتيجە بەرمەگەن­دىك­تەن, و.سوتتير «نۇر وتان­نان» كومەك سۇراۋعا ءماجبۇر بولعان. قابىلداۋدا بولعان «جە­بەۋ» رەسپۋبليكالىق قوعام­دىق بىرلەستىگىنىڭ توراعا­سى ادىلبەك ءومارالى ەلىمىز­گە كە­لە­تىن شەتەلدىك تۋريس­تەردى ۋا­قىتشا تىركەۋ ماسە­لە­سىن جەڭىل­دەتۋ جونىندە ءوز ۇسى­نىسىن ايت­تى. «ەكسپو-2017 حا­لىق­ارالىق كورمەسىنە بايلانىس­تى قازىردىڭ وزىندە اس­تا­ناعا اعىل­عان تۋريستەردىڭ سانى ارتۋدا. ولاردىڭ ەلى­مىزدە وزدەرىن مەي­لىنشە جايلى سەزىنۋلەرى ءۇشىن قازاقستان زاڭنامالارىنا ءساي­كەس تۋريس­تەردى تىركەۋ تالاپتارى جەڭىل­دەسە دۇرىس بولار ەدى», – دەدى ءا.ءومارالى. ال تۇتىنۋشىلاردىڭ قۇ­قى­عىن قورعاۋ جونىندەگى قاۋىم­داس­تىقتىڭ ۆيتسە-پرەزي­دەنتى حان­زادا بالتاەۆا اۋلا­لاردى ابات­تاندىرۋ مەن قا­لانى كوگال­دان­دىرۋ ماسەلەسى بويىنشا ءوز پىكىرىن ءبىلدىردى. ول بۇعان قاتىس­تى جۇمىستى جان­­داندىرۋ كەرەك دەپ ساناي­دى. بارلىق ءوتىنىش يەسىن مۇ­قيات تىڭداعان مۇحتار ابرار­ ۇلى پار­تيانىڭ استانا قالا­لىق في­ليالىنىڭ باسشى­لىعىنا رەس­پۋب­ليكالىق قوعام­دىق قابىل­داۋ بولمەسىندە كو­تە­رىلگەن ءار ماسە­لەنى ناق­تى سارالاپ, ءتيىستى شا­رالار­دى قابىلداۋدى تاپسىردى. سونداي-اق, پارتيا باسشى­سى­نىڭ ءبىرىنشى ورىنباسارى ولار­دىڭ ارقايسىسى ءوزىنىڭ جەكە با­قى­لاۋىندا بولاتىنىن دا ايتتى. بۇگىندە ەلىمىز بويىنشا «نۇر وتان» پارتياسىنىڭ 231 قو­عام­دىق قابىلداۋ بولمەسى جۇ­مىس ىستەيدى. وتكەن, ياعني 2016 جىلى اتالعان قابىلداۋ بولمە­لەرىنە 226 284 ادام ءوز ءوتىنىش­تەرى بويىنشا كەلگەن. ولار­دىڭ 90 919-ى – «ەلەك­تروندى قوعامدىق قا­بىلداۋ» جۇيەسى, 10 949-ى – «جەدەل جەلى» جانە 5 313-ءى «Whatspp» مەسسەندجەرى ارقىلى ءوتىنىش بىلدىرگەن. پارتيانىڭ قوعامدىق قابىل­داۋىنا كەلگەن قازاق­ستان­­دىقتار ماسەلەسىنىڭ 23 پا­يىزى دەر كەزىندە وڭ شە­شىمىن تاپتى. ال 70 پايىزىنا زاڭ اياسىندا كەڭەستەر بەرى­لىپ, تۇسىندىرمە جۇمىس­تارى جۇرگىزىلدى. سوعان وراي ازا­ماتتارعا وزدەرىن تولعان­دىر­عان ماسەلەلەردى مەملەكەتتىك ورگاندار ارقىلى شەشۋگە مۇمكىندىك تۋدى. وتىنىشتەردىڭ قالعان 7 پايىزى بويىنشا بۇگىندە جۇمىستار جۇرگىزىلۋدە. نۇرلىبەك دوسىباي, «ەگەمەن قازاقستان»