ايالداما ەمەس, كىشىگىرىم «اۆتوۆوكزال»...

ايازى جالانىپ, قاسات قار­دىڭ قام­­ساۋ­ىندا جاتاتىن قارا­عان­دىنىڭ التى اي قىسى امبەگە ايان. سونداي كۇن­دەردە بەكەتتە ءبۇر­سەڭدەپ, ايالداما­دا اياعىن-ايا­عىنا سوعىپ, قوعامدىق كولىك كۇت­­كەن جانداردىڭ جاعدايى قالاي دەر­­سىز؟ ەل تىلەگى ەسكەرىلە كەلە, تاياۋدا قارا­عاندى قالاسىندا كوپتەن جوس­پار­لانىپ كە­لە جاتقان «اقىل­دى» ايال­دامالاردىڭ ال­عاش­­قىسى اشى­ل­­دى. گوگول كوشەسىنىڭ بويىن­دا ورنالاسقان جاڭا ۇلگى­دەگى «بوۋ­لينگ» ايال­دا­ما­سىنىڭ تۇساۋ­كەسەرىنە قالا اكىمى نۇرلان اۋباكىروۆ قاتىستى. ەندى, اتالمىش ايالدامادا كولىك كۇت­كەن جولاۋشى ءۇش بولىكتەن تۇراتىن ىق­تا­سىن­دا بويىن جىلىتىپ قانا قويماي, اۆتو­بۋستاردىڭ كەلۋ ۋاقىتىن ارنايى تابلولاردان ونلاين-رەجىمدە قاداعالاپ وتىرا الاتىن بولادى. سونداي-اق, ىس­تىق اس ىشۋگە مۇمكىندىك بار. ءۇش بولىكتەن تۇراتىن ايالدامانىڭ ىشىندە جاياۋ جۇرگىنشىلەرگە بار­لىق مۇمكىندىك جاسالعان. جا­بىق بولىگىنە ءبىر ۋاقىتتا 20 ادام سىيىپ كەتەدى.  بۇدان بولەك, جو­لاۋشىلاردىڭ قاۋىپسىزدىگى ءۇشىن باقىلاۋ بەينەكامەرالارى ورنا­تىل­عان. شاھار باسشىلىعى يگىلىكتى ءىستى «بەگەموت الماتى» كومپانيا­سىمەن بىرلەسىپ جۇزەگە اسىرعان. كومپانيانىڭ كوممەرتسيالىق ديرەكتورى مۇحتار قاليەۆ ايت­قان­داي, شاراپاتى مول شارۋاعا  «قاراعاندى جارىق» جشس دە قول­داۋ كورسەتكەن. جوبانى ىسكە اسى­رۋ ناتيجەسىندە 8 جاڭا جۇمىس و­رنى اشىلىپ وتىر. ءبىر ايتا كەتەرى, اۆتوبۋستىڭ ءجۇرۋ كەستەسىنە سايكەس, ايالداما تاڭعى 05.00-دەن كەشكى 22.00-گە دەيىن جۇمىس ىستەيدى. ميراس اسان, «ەگەمەن قازاقستان» قاراعاندى