FISU پرەزيدەنتىن قارسى الدى

كەشە الماتىعا حالىقارالىق ستۋدەنتتىك سپورت فەدەراتسياسىنىڭ پرەزيدەنتى  ولەگ ماتىتسين كەلدى. سپورت سالاسىنداعى جوعارى لاۋازىم يەسىن اۋەجايدان قالا اكىمىنىڭ ورىنباسارى ارمان قىرىقباەۆ پەن ۋنيۆەرسيادا-2017 ديرەكتسياسىنىڭ جەتەكشىسى نايل نۋروۆ قارسى الدى. FISU پرەزيدەنتى وتىرعان رەيستىڭ ۇشۋ ۋاقىتى كەيىنگە شەگەرىلگەندىكتەن,  بۇل ۇشاق الماتىعا ازداپ كەشىگىپ قوندى. بىراق مۇنى اۋەجايداعى ادەمى كوڭىل-كۇي, ىقىلاستى قارسى الۋ مەن قازاقتىڭ شاشۋى جۋىپ-شايىپ جىبەردى. «ءبىلىم, سپورت جانە مادەنيەت – بۇگىن الەمگە تۇراقتىلىق پەن دامۋ سىيلايتىن, مىنە وسىلار», – دەدى وزىنەن جىلى لەبىز كۇتكەن جۋرناليستەرگە سپورتتىق شەنەۋنىك. ولەگ ماتىتسين ۋني­ۆەرسيادانىڭ اشىلۋ سال­­تا­ناتىنان ەرتە كەلىپ وتىر. ويتكەنى, ول FISU اتقارۋ كومي­­تەتىنىڭ الماتىداعى قورىتىندى جي­نالىسىنا قاتىسۋى ءتيىس. FISU پرەزيدەنتى مۇنداي الەمدىك دەڭگەيدەگى سپورتتىق جوبانى ءبىر كىسىدەي جۇمىلىپ اتقارماسا, وڭايعا تۇسپەيتىندىگىن ايتادى. وسىعان دەيىن دە الماتىعا بىرنەشە رەت كەلگەن FISU وكىلدەرى مەن جەتەكشىلەرى باقىلاۋشى رەتىندە ەمەس, بىرەگەي  جۇمىس كوماندانىڭ ءبىر مۇشەسى بولىپ كەلگەندىگىن جەتكىزدى. مۇنداي جاۋاپتى قىزمەتتى ولەگ ماتىتسين 2015 جىلدىڭ قاراشاسىنان بەرى اتقارىپ كەلەدى. وعان دەيىن ول FISU ۆيتسە-پرەزيدەنتى بولدى جانە رەسەيدىڭ ستۋدەنتتىك سپورتتىق وداعىن باسقارعان. ايناش ەسالي, «ەگەمەن قازاقستان» الماتى