بۇگىن الماتىدا قر پرەمەر-ءمينيسترىنىڭ ءبىرىنشى ورىنباسارى اسقار ءماميننىڭ توراعالىعىمەن الماتىدا وتەتىن 28-ءشى بۇكىلالەمدىك قىسقى ۋنيۆەرسيادا-2017-گە دايىندىق كەزىندە قاۋىپسىزدىكپەن جانە قۇقىقتىق تارتىپپەن قامتاماسىز ەتۋ جونىندەگى ۆەدومستۆوارالىق كوميسسيانىڭ وتىرىسى ءوتتى.
الماتىعا جۇمىس ساپارى بارىسىندا ا. مامين «حالىق ارەنا» مۇز ارەناسى, «سۇڭقار» حالىقارالىق شاڭعى ترامپليندەر كەشەنى, اتلەتيكالىق اۋىل جانە «الماتى ارەنا» مۇز سارايى نىساندارىن ارالادى.
ۆەدومستۆوارالىق كوميسسيا وتىرىسى اياسىندا مەملەكەتتىك ورگانداردىڭ باسشىلارى, قاۋىپسىزدىكپەن قامتاماسىز ەتۋگە جاۋاپتىلار, 29 قاڭتار مەن 8 اقپان ارالىعىنداعى ۋنيۆەرسيادانى وتكىزۋ كۇندەرى قاۋىپسىزدىكپەن, قۇقىقتىق تارتىپپەن قامتاماسىز ەتۋ جونىندەگى شارالار جوسپارىن ىسكە اسىرۋ بارىسى تۋرالى ەسەپ بەردى.
ۋنيۆەرسيادا نىساندارى مەن الماتى قالاسىنداعى قاۋىپسىزدىك شارالارىن كۇشەيتۋ بويىنشا جۇرگىزىلىپ جاتقان شارالار تۋرالى دا ايتىلىپ ءوتتى. سونىڭ ىشىندە, ۋنيۆەرسيادا قوناقتارىن تىركەۋدى جۇرگىزەتىن شارالار كەشەنى ازىرلەنگەن, ۋنيۆەرسيادا قوناقتارى مەن قاتىسۋشىلارىن الىپ جۇرەتىن ەكيپاجدار قۇرىلعان, جول قاۋىپسىزدىگىن قامتاماسىز ەتەتىن بەكەتتەر كۇشەيتىلگەن, ۋنيۆەرسيادانىڭ بارلىق نىساندارىندا تاۋلىك بويى كەزەكشىلىك ەتەتىن ارنايى توپتار قۇرىلعان. شارالارعا شامامەن 7 مىڭ قۇقىق قورعاۋ ورگاندارىنىڭ قىزمەتكەرلەرى تارتىلادى.
ۋنيۆەرسياداعا دايىندىق پەن ونى وتكىزۋگە قاتىستى جۇرگىزىلىپ جاتقان جۇمىستار تۋرالى الماتى قالاسىنىڭ اكىمى ب. بايبەك جانە الماتى وبلىسىنىڭ اكىمى ا. باتالوۆ ەسەپ بەردى.
ۆەدومستۆوارالىق كوميسسيا وتىرىسىن قورىتىندىلاي كەلە, قر پرەمەر-ءمينيسترىنىڭ ءبىرىنشى ورىنباسارى ا. مامين ۋنيۆەرسيادا قاتىسۋشىلارى مەن قوناقتارىن قاۋىپسىزدىكپەن قامتاماسىز ەتۋ, سونىمەن قاتار بارلىق سپورت جارىستارىن جوعارعى ۇيىمداستىرۋشىلىق دەڭگەيدە وتكىزۋ نەگىزگى باسىمدىق ەكەنىن ايتتى.
