استانا – دوستاستىق كەڭىستىگىندەگى ۇزدىك قالا

تاۋەلسىزدىگىمىزدىڭ تۇعىرى, ەلدىگىمىزدىڭ ايبارى, حالقى­مىز­دىڭ ايبىنىنا اينالعان ارۋ استانا تاعى دا ايدى اس­پانعا شىعارىپ, جارتى الەمدى جايلاعان كەڭىستىكتەگى قالا­لاردىڭ جەڭىمپازى اتاندى. حالىقارالىق استانالار جانە ءىرى قالالار اسسامبلەياسىنىڭ باس­تاماسىمەن وتكىزىلگەن «تمد جانە ەۋرازەق-تىڭ ۇزدىك قالاسى» اتتى ءىىى حالىقارالىق قالالىق تاجىريبەلەر بايقاۋ-كونكۋرسىندا استانا قالاسى 81 قالانىڭ ىشىنەن توپ جارىپ, ۇزدىك شىقتى. ەلوردامىز 2030 جىلدارعا دەيىنگى دامۋدىڭ تۇراقتى ستراتەگيالىق جوسپا­رىن بەلگىلەۋ جانە جۇزەگە اسىرۋ, بۇقارالىق دەنەشى­نىق­تىرۋ جانە سپورتتى دامىتۋعا جان-جاقتى جاعداي جاساۋ, كەمتار ادامداردىڭ تۇرمىسى ءۇشىن جاقسى جاعداي جاساۋ جانە الەۋمەتتىك قولداۋ جۇيە­سىن ۇيىمداستىرۋ, تۇتىنۋشى­لار­دىڭ قۇقىن قورعاۋ ءجو­نىندەگى قوعامدىق جانە مۋ­ني­تسيپالدىق ۇيىمدار قۇرۋ, قالا اۋماعىنداعى وندىرىستىك نى­سان­دارعا ەكولوگيالىق باقى­لاۋ جاساۋ سياقتى نوميناتسيالار بوي­ىنشا جەڭىمپاز دەپ تانىلىپ, ەڭ جوعارعى ديپلوممەن ما­را­پاتتالدى. استانا تۇر­عىن­دارىن قالامىزدىڭ وسى ءبىر زور جەتىستىگىمەن قۇت­تىق­تاي وتى­رىپ, ەلوردانىڭ ەڭسە­سىنىڭ بيىكتەي بەرۋىنە ساتتىلىك تىلەيمىز! (وسى قۋانىشتى وقيعاعا بايلانىستى استانا قالاسىنا ارنالعان ارناۋلى بەت گازە­تىمىزدىڭ تاياۋداعى نومىرىندە جارىق كورەتىن بولادى). جىلقىباي جاعىپار ۇلى.